Interi del hapur, 3 vite kontratë me Edinson Kavanin
Gola “të nxehtë”, ja si ndikon suedezi në ekip
Lindur dhe rritur në një vend tepër të ftohtë, por mbase kjo është arsyeja përse Zlatan Ibrahimoviç parapëlqen vapën. 33 gradët e Los Anxhelosit nuk ishin problem, e as nuk pritet të jenë 28 të Milanos shoqëruar me zagushi. Zlatani adhuron të shënojë kur termometri ka prirjen për të shkuar gjithmonë e më lart. Në këto kushte, prova e rrobabanjove që ofron Seria A janë fushat ku 124 ndeshje do të zhvillohen çdo tri ditë, nga qershori deri në gusht. Sulmuesi i Milanit duket ndër më të gatshmit për këtë mision. Në Amerikë kë luajtur për dy sezone, tre muajt e verës ishin më efikasët në nivelin e realizimeve.
ECURIA – Në vitin 2018 Ibra shënonte 22 herë në 27 ndeshje ndërsa vjet ruajti ritmin e një goli çdo 90 minuta me 31 gola në po aq takime të zhvilluara. Ajo që bie në sy për të dyja rastet është fakti se gjysmën e golave të atyre sezoneve, suedezi i ka shënuar në muajt më të nxehtë të vitit, pra në qershor, korrik dhe gusht. Në sezonin e parë vera e sulmuesit u zbukuruara me 11 realizime, ndërsa vjet përmirësoi rekordin duket tundur rrjetat me 12 gola verorë. Në këto rrethana, ndalesa prej “COVID-19” erdhi si me porosi për 38-vjeçarin që duke nisur nga java e ardhshme, futet në stinën e tij më pjellore për sa i përket raportit me portat kundërshtare.
GJENDJA — Sikur të mos mjaftonte vera, edhe viti ka qenë i mbarë për Ibrahimoviçin kuqezi. Atij iu deshën diçka më tepër se 100 minuta për të shënuar golin e parë në Serinë A, tetë vjet nga hera e fundit. Karakteristikat e tij zgjuan skuadrën e cila do të tentojë të mbyllë sa më mirë një sezon të nisur keq. Ibra vjen nga Suedia me shumë ambicie. Stërvitjet me dhe pa top janë kryer me rigorozitetin maksimal, teksa Milani pret të marrë frytet e kësaj pune të kryer nga numri 21. Për të konfirmuar “namin” e golit, Ibra duhet të rinisë të shënojë edhe për llogari të
“Djallit”, që synon trenin e fundit për në Kupat e Europës. Testet fizike dhe seriologjike, të cilave u është nënshtruar pas kthimit në Milano dy javë më parë nuk tregojnë asnjë shenjë virusi në trup e që nga dita e sotme do të jetë pjesë e Milanit për stërvitjet në grup.