Bici firmos te Kuneo: Seria A është super
"Të luash në kampionatin italian është fat, ja pse zgjodha këtë skuadër"
Vetëm disa muaj zg jati aventura e Erb lira Bicit në radhët e Busto Arsizios. Në sezonin 2020-2021, volejbollistja më e mirë e Shqipërisë do të jetë pjesë e Kuneos. Dy ditë më parë, klubi italian ka njoftuar transferimin e Bicit në një postim të bërë në faqen zyrtare. Ndërkohë, në një intervistë për "Panorama Sport", Erblira Bici flet për këtë aventurë të re që e pret. Ajo shprehet se zgjodhi të bashkohet me Kuneon, për t'u aktivizuar si titullare. Kujtojmë që Bici u bë lojtarja e parë shqiptare që fiton Ligën e Kampioneve, teksa një vit më parë triumfoi me Novarën.
Bici, për sa vite keni firmosur me Kuneon?
Kontrata ime është njëvjeçare. Normalisht kontratat në Itali janë 1-vjeçare dhe shumë rrallë 1+1 me të drejtë qëndrimi. Momentalisht për shkak dhe të krizës ekonomike nga Koronavirusi, klubet janë në vështirësi dhe mund të them që është dhe çështje fati të luash në Serinë A1 në këto momente, ku shumë klube janë në dyshim vazhdimësie.
Pse vendosët të largoheshit nga Busto Arsizio dhe pse zgjodhët pikërisht Kuneon?
Në fakt pata disa oferta, por
kryesorja për mua është aktivizimi si titullare. Kuneon e kam njohur gjithmonë si kundërshtare, por gjithashtu kam pasur disa shoqe që kanë luajtur vjet aty, të cilat më kanë folur mirë për klubin, stafin dhe tifozët.
Kur pritet qe? te? bashkoheni me skuadrën e re?
Mendohet që kampionati do të nisë më shpejt këtë vit për shkak të Lojërave Olimpike që u shtynë. Ekipeve kombëtare u duhet më shumë kohë që të stërviten, kështu që mendohet se do të paraqitemi në muajin gusht, ndonëse deri tani nuk është asgjë zyrtare. Mund te? në tregoni diçka me? tepër rreth Kuneos? Për çfarë? objektivash do te? luftoje? ky ekip në sezonin e ardhshëm?
Kuneo është një ekip që prej dy vitesh militon në Serinë A1, megjithëse në historinë e tij ka qenë pjesë e nivelit maksimal italian. Një qytet që e ndjek sportin dhe kryesisht sportet me dorë. Për shkak të renditjes së këtij viti, Kuneo nuk do të luajë në kompeticionet ndërkombëtare. Mendoj që me nisjen e sezonit, objektivat vendosen rrugës. Ne do të luajmë në dy kompeticione, në kampionat dhe në Kupën e Italisë, ku do të synojmë te klasifikohemi në pozicionet e larta të renditjes.
Si do ta përshkruanit aventurën te Busto Arsizio?
Kur ju thashë dhe më parë që objektivat vijnë rrugës, i referohem pikërisht këtij fakti. Busto ishte një ekip vërtet i fortë, që në çdo ndeshje fitoi respektin e kampionatit italian, pavarësisht se kishim përballë një Koneliano të paarritshme që mund të fitonte gjithçka këtë vit. Arritëm rezultate shumë të mira. Busto u klasifikua në vend të dytë dhe automatikisht fitoi mundësinë që në sezonin e ardhshëm të luajë në Champions, kompeticion ku mungonte prej 4 vitesh. Gjithashtu, ishim finalistë të Kupës së Italisë, duke lënë mbrapa ekipe me buxhete shumë më të larta se yni, si ish-ekipin tim Novarën (kampion Europe në fuqi) dhe Skandiçin. Si e keni kaluar ke?te? periudhe? dhe si ia keni be?re? pe?r te? ruajtur forme?n?
Të them të drejtën në Itali, pasi fola me dietologun, ndoqa një dietë shumë të fortë. Më pas "nepsi" bëri të veten (qesh). Pasi erdha në Shqipëri, u karantinova në Durrës ku u mundova ta kontrolloja veten nga ushqimi dhe kryeja aq aktivitet sa mund të bësh në një dhomë hoteli. Tani kam nisur pak veprimtari fizike, por më mungojnë palestrat, të cilat shpresoj të hapen sa më shpejt. Sipas jush, ishte i drejte? anulimi i Serise? A apo ishte nje? vendim i nxituar?
Mendoj se ishte i drejtë, pasi asnjë atlet profesionist nuk mund të kthehet të luajë pas një periudhe kaq të gjatë pa stërvitje të rregullt. Rreziku i dëmtimeve do të ishte shumë i madh dhe niveli do të ulej.