Liga Unike, Goga Basket dhe Ylli në “Final 4”
Ekipi nga Theranda eliminon Prishtinën, më 13-14 prill finalet
Pas Pejës dhe Ra hovecit, Liga Unike ka mësuar edhe dy skuadrat e tjera gjysmëfinaliste, të cilat janë Goga Basket dhe Golden Eagle Ylli. Në derbin e djeshëm mes ekipeve të Superligës shqiptare të zhvilluar në Rahovec, Goga Basket eliminoi Tiranën në çererekfinale, duke triumfuar me rezultatin 76-67. Skuadra private nga Durrësi e kontrolloi takimin që nga fillimi e deri në fund, për të marrë një sukses më se të merituar. Në minutat e para të dyja formacionet u shfaqën jo shumë të sakta në aspektin sulmues, por gradualisht Goga filloi ta dominojë lojën, për ta fituar periodën e parë 25-12. Bregdetarët e nisin furishëm 10minutëshin e dytë, duke realizuar 8 pikë radhazi për ta thelluar epërsinë në 33-12, ndërsa skuadrat më pas shkojnë në pushim në shifrat 4827 për Gogën. Në pjesën e dytë Tirana ndryshon marsh, luan më mirë si në fazën sulmuese ashtu edhe në mbrojtje, për ta fituar periodën e tretë 26-10, duke e ngushtuar në 5 diferencën e pikëve kur kishin mbetur edhe 10 minuta nga fundi. Perioda e katërt nisi me 2 pikë të Dokoviç për Gogën, të cilit iu kundërpërgjigj Vogli më një kosh për 3. Por, më pas skuadra e Melzin Lazimit filloi sërish shkëputjen, ndërsa bardheblutë vuajtën zgjedhjet e pakta në bankinë. Kështu fraksioni i fundit fitohet 18-14 nga Goga që vulos takimin në shifra të përgjithshme 76-67, për të prerë biletën e gjysmëfinaleve. Në radhët e Gogës lojtari më i mirë ishte Endrit Hysenagolli. Ish-qendra e bardhebluve regjistroi 15 pikë dhe 8 ribaunde. Te Tirana, Hasani preku dopietë dyshifrore me 12 pikë dhe 10 ribaunde, ndërsa pikëshënuesi më i mirë për kryeqytetasit ishte Coco me 15. Për bardheblutë vijon të mungojë kapite
ni Gerti Shima, për shkak të një dëmtimi në dorë gjë i ka shkaktuar jo pak probleme trajnerit Erkand Karaj. Në ndeshjen tjetër, Golden Eagle Ylli mposhti Sigal Prishtinën me rezultatin 87-70. Skuadra nga Therenda ishte superiore në të katërta periodat, ku lojtari i ndeshjes ishte Zekiqi, i cili realizoi 23 pikë. Ylli tashmë do të përballet në gjysmëfinale me Goga Basket, ndërsa sfida tjetër do të jetë mes Pejës dhe Rahovecit. Siç dihet faza “Final 4” do të zhvillohet në datat 13-14 prill në pallatin e sportit “Dhimitraq Goga” në Durrës, atu ku do të vendoset edhe skuadra kampione e edicionit të parë të Ligës Unike.