Butrinti bie pas 4 muajsh, Devolli “asist” Maliqit
Ivani, sërish protagonist: Luftojmë deri në fund për ngjitjen
Butrinti thyhet pas 4 mua jsh në grupin B të Kategor isë së Dytë dhe si për ironi të fatit, në humbjen e parë pas 9 fitoreve radhazi, lë kreun e renditjes. Devolli është treguar kockë e fortë në shtëpi, duke u shkaktuar një disfatë ndoshta të papritur sarandjotëve të drejtuar nga Milto Gurma, i cili vetëm pak ditë më parë u dekorua me titullin “Mjeshtër i Madh” nga presidenti i Republikës së Shqipërisë, Ilir Meta. FSHF e kishte vlerësuar në maksimum këtë takim, duke dërguar dje në Devoll gjyqtarin me stemën e FIFAS, Enea Jorgji. Skuadra e Trifon
Merakut iu gëzua fitores në fund, ku vendos sërish mesfushori Paulo Ivani. Ky i fundit fillimisht fitoi një penallti në minutën e 13të. Kapiteni Pere e ktheu në gol 11metërshin, por reagimi i miqve ishte i menjëhershëm. Në zhvillimet
e një goditjeje këndi, Perreira godet me kokë dhe barazon, duke bërë që skuadrat të shkojnë në dhomat e zhveshjes me rezultatin 1-1. Pjesa e dytë fillon përsëri e vrullshme, me miqtë që duan të shfrytëzojnë shtatlartësinë e Mario
Gurmës. Loja është e ekuilibruar, teksa Devolli shfrytëzon në maksimum kundërsulmet. Qeleshi shërben bukur për Xhoni Ivanin dhe ky i fundit më pas jep një asist në zonë për vëllain e tij, Paulo Ivani, i cili nuk fal. Pavarësisht përpjekjeve të Butrintit, ndeshja u mbyll 2-1. Ndërkohë, për “Panorama Sport” pas përfundimit të sfidës foli golashënuesi Ivani. “Jemi kënaqur me këtë fitore. Kemi punuar shumë gjatë javës dhe tashmë e ndiejmë veten të çliruar, pasi kemi mundësi me grupin që kemi, të ngjitemi një kategori më lart përmes fazës ‘play off’. Duhet të vazhdojmë serinë e rezultateve pozitive”. (Korçë);
Përmetin e nderon një gol i Vrapit
Përmetarët janë rikthyer te fitorja në takimin e radhës patosarakëve të Albpetrolit. Ka qenë një ndeshje e vështirë për vendësit, të cilët vinin nga një ecuri rezultatesh negative dhe duhet të bënin kthesën në kampionat. Pjesa e parë është mbyllur me rrjeta të paprekura, ndërkohë që në të dytën Vrapi ka shënuar golin e fitores. Duhej të vinte minuta e 71-të, që ky i fundit me një goditje nga jashtë zone të tundte rrjetën e portierit Tozajt. Albpetroli u mundua të reagonte, por nuk kishte forcën e duhur. Kësisoj, vendësit arrijnë të marrin tri pikë të arta, duke u larguar 5 pikë nga vendi i parafundit në grupin B.
Këlcyra, 3 pikë të arta në shtëpi
Një gol i Xhakollarit ka nderuar Këlcyrën në përballjen kundër Memaliajt, duke i dhënë skuadrës së trajnerit Spahiu tri pikë shumë të rëndësishme. Nëse vendësit nuk do t’ia dilnin, kjo do t’ua ndërlikonte shumë pozitat në klasifikim, ndërsa tani pas kësaj fitoreje janë në mesin e artë të tabelës. Këlcyra e ka kërkuar golin që në fillim të takimit, por ai ka ardhur vetëm në minutën e 32-të, kur Xhakollari në një moment hezitimi të mbrojtjes mike, tund rrjetën e Myrtajt. Duhet thënë se miqve u janë larguar plot 6 lojtarë nga skuadra, fillë pas takimit të humbur me Butrintin, duke i vënë shumë në vështirësi.