Partizani B likuidon Veleçikun, debuton Hasani

Veleçiku nuk di të fitojë. Humbja e 4-t radhazi i zhyt edhe më keq në fundin e renditjes. Koplikasit nuk ia dolën dot as përballë Partizanit B, ndonëse luanin në “Reshit Rusi”. Të kuqtë ishin dukshëm më superiorë dhe nga një gol për çdo pjesë u dha pikët dhe rrjedhimisht shpresa për mbijetesën. Edhe pse vendësit nuk kanë mundur dot të gjejnë portën kundërshtare, pjesa e parë e lojës ka folur për ta. Në të 12-ën Shekaj mund të kishte kaluar në avantazh të tijtë, por ka shpërdoruar. Në të 17-ën pretendojnë për një 11-metërsh pas një topi të prekur me dorë, por nuk ka qenë i këtij mendimi kryesori Ferataj. Presingu vazhdon me Rrustemajn e Zarajn në të 19-ën dhe 22-ën, por pa rezultat. “Demat” zgjohen në të 26-ën, e megjithatë golin e gjejnë në të 33-ën. Vjerdha nuk merret vesh me mbrojtjen dhe Bërdufi nuk e ka të vështirë t’i kalojë të tijtë në avantazh, 01. Më pas, janë vendësit ata që kërkojnë të baraspeshojnë rezultatin, por Ujka dhe Zaraj nuk ia dalin. Me këtë rezultat dy ekipet shkojnë në pushim të ndeshjes. Në pjesën e dytë era e fortë ka qenë në favor të koplikasve, por nuk kanë ditur ta shfrytëzojnë. Ata kanë

vazhduar të shpërdorojnë pa fund. Atë që s’e bëjnë vendësit, e realizon Partizani B. Pas një kundërsulmi në krahun e majtë në të 54-ën vjen edhe goli i dytë për të kuqtë me autor Zanin. Takimi nuk ka më histori. Edhe pse trajneri Rrustemaj kreu dy zëv

endësime me shpresë të ndryshonte diçka në lojën e të tijve, por pa rezultat. Në të 68-ën ka minuta edhe për Edon Hasanin, që zë vendin e “bomberit” Odeon Bërdufi. Shkodrani debuton me ekipin B, madje mori edhe shiritin.

BASHKIM RAMEKAJ