Didie keqpërdori grupin, rivalët nuk na patën frikë
Euro 2021" është një dështim i padiskutueshëm për Francën. Pasi isha jashtëzakonisht i ngazëllyer pas ndeshjes hapëse kundër Gjermanisë, pashë nivelin i lojës së ekipit tonë kombëtar u shpërbë, ndeshje pas ndeshjeje në mënyrë të pakuptueshme, deri në përplasjen pas një muri në një ndeshje me Zvicrën. Gjithçka m'u duk surreale. Një nga përgjegjësit kryesorë është Didie, fatkeqësisht për të, sepse ai shpesh na ka frymëzuar vitet e fundit me ekipin e Francës, por këtu mund të themi se ai nuk ishte aspak në lartësinë e duhur. Të gjitha formacionet e tij titullare, zhvendosjet e tij të përhershme taktike, në modele që kanë krijuar më shumë probleme për lojtarët e tij sesa për kundërshtarët.
Kam rezerva gjithashtu në drejtimin e grupit. Për një herë që kishim një listë me 26 lojtarë, vumë re se Deshmapit do t'i kishte mjaftuar me një listë prej 15 lojtarësh. Më duket e tepërt të snobosh 11 futbollistë. Trajneri dhe stafi i tij gabuan në pjesën më të madhe. Kishim përshtypjen se në asnjë moment nuk kontrollonin problemet, por përkundrazi, ata po i ndihmonin ato të krijoheshin. Kam pritur shumë më tepër nga kampionët e botës. Po prisja për konfirmimin e asaj që kishim parë vitet e fundit, me një rritje të pushtetit që kur Didie mori detyrën. Ne mund të gjejmë rrethana lehtësuese, COVID dhe sezonin e veçantë natyrisht, por që nga momenti që dolën të parët nga "grupi i vdekjes", pata përshtypjen se më pas, në ndeshjet me eliminim direkt, skuadra e Francës do të tregonte potencial. Ja që në fund ishte krejt e kundërta.
E vetmja lojë ku skuadra e Francës dukej se kontrollonte ngjarjet ishte kundër Gjermanisë, megjithëse vuajtën shumë. Ne e ndienim të paktën se po dilte një forcë kolektive, një bazë mbrojtëse ... ne kishim rimarrë mbrojtjen që ishte pika më e fortë e Botërorit të 2018ës. Por, Didie dështoi. Sigurisht, ka zhgënjime individuale, por gabimi është mbi të gjitha ai i menaxhimit. Kur ju jeni kampion bote nuk lejohen të tilla hapa falsë. Nuk po them se nuk duhej të kujdesej për kundërshtarin, por më duket se Franca ka aq potencial sa ta detyrojë kundërshtarin të kujdeset për cilësinë lojtarëve franceze.