Në pritje të Zhirusë, Milani zyrtarizon... Brahim Diazin
Kërkesat e larta të Çelsit, Joviç si zgjidhje për sulmin
Shtatë ditë për të vendosur. Me Francën e eliminuar nga Europiani, Milani pret përgjigje nga sulmuesi shtatlartë Olivie Zhiru që duket se nuk e ka të garantuar vendin e titullarit te Çelsi. Nëse tratativa me Zhirunë nuk mbyllet me sukses, “Djalli” pritet të tentojë goditjen Luka Joviç. Serbi, pavarësisht 2 sezoneve zhgënjyese te Reali i Madridit, është prej kohësh nën shënjestrën e Milanit. Sulmuesi u pëlqen Maldinit dhe Masarës, të cilët pritet të nisin shumë shpejt tratativat me klubin e Florentino Perezit për të sjellë ish-lojtarin e Frankfurtit në Milanelo. Për sa i përket Zhirusë, Çelsi kërkon disa milionë euro për lojtarin, me Milanin që duket se nuk do ta marrë parasysh kërkesën e bluve të Londrës, që për arkat e kuqezinjve është tepër e lartë. Ata prisnin që Zhiru të vinte me parametër zero në Milanelo.
SEBAJOS E DIAZ – Drejtori Paolo Maldini flitet se ka negociuar edhe per Dani Sebajos, lojtar në pronësi të Realit të Madridit, që sezonin e fundit ishte në huazim tek Arsenali. Për Sebajos flitet për një huazim me kosto prej 5 milionë eurosh dhe me të drejtën e blerjes që do të kapë shifrën e 30 milionëve. Lajmi pozitiv për kuqezinjtë është arritja e marrëveshjes me Realin e Madridit për zgjatjen e huazimit me Brahim Diaz, që do qëndrojë në Milano
edhe këtë sezon në huazim për 3 milionë euro të drejtën e blerjes të fiksuar në 27 milionë euro. Brahim Diaz, sezonin e tij të parë, nuk i zhgënjeu aspak pritshmëritë duke qenë vendimtar në rikthimin e kuqezinjve në Champions.