Drita dhe Shkupi fitojnë dy derbet e shqiptarëve
Debutimi, barazim historik i Strugës në Letoni
Shkupi-llapi dhe Drita e GjilanitDeçiç Tuz ishin dy ndeshjet interesante që u zhvilluan dje për turin e parë të Ligës së Konferencës. Katër skuadrat shqiptare që përfaqësojnë elitën e futbollit në Kosovë, Maqedoninë e Veriut dhe Malin e Zi e kishin për herë të parë që përballeshin mes tyre. Shkupi ia doli të triumfojë 2-0 ndaj skuadrës nga Podujeva me golin e Kire Markoskit në minutën e 36-të dhe Abdul në frymën e fundit. Në ndeshjen e kthimit më 15 korrik në stadiumin “Fadil Vokrri”, Llapit i duhet të fitojë 3-0 për të arritur kualifikimin pa e çuar ndeshjen në kohën shtesë (nëse triumfon 2-0). Ndërkohë, Drita bëri një përmbysje fantastike ndaj Deçiçit të Tuzi. Fillimisht shënoi Ilir Camaj për ekipin e Superligës malazeze, por golat e Almir Ajzerajt dhe Marko Simonovskit nderuan kosovarët. BARAZIMI HISTORIK - Debutim me barazim 1-1 për Strugën në Ligën e Konferencës. Skuadra shqiptare që militon në Superligën
e Maqedonisë së Veriut arriti të ndalte lituanët e FK Liepaja në ndeshjen e parë të luajtur në transfertë. Në pjesën e parë, Struga Trim Lum pësoi gol në minutën e 31-të, ku për vendësit shënoi braziliani Dodo. Kur mendohej se ndeshja u mbyll 1-0 për lituanët, Struga barazoi shifrat në minutën e 93-të. Pas një goditjeje nga këndi, mbrojtësi Besir Iseni shfrytëzoi më së miri në zonë krosimin e Kocoskit dhe e dërgoi topin në rrjetë me kokë. Ndeshja e kthimit Struga-liepaja do të luhet më 15 korrik ora 17:00 në Shkup, në fushën e qendrës stërvitore të Federatës Maqedonase.