NOTAT E ANGLISË
PIKFORD 7 - Nuk është portieri më i mirë në historinë e Anglisë, por dhuron disa pritje cilësore. Te penalltitë bën sa mundet, teksa gjatë finales kishte ndalur çdo italian, përveç Bonuçit.
UOKER 6.5 - Në treshen mbrojtëse apo në krah, nuk ka problem pasi anësori i Sitit kryen me saktësi të gjitha detyrat (nga
120' Sanço 4 - Trajneri i beson shënjestrës së yllit më të ri të Junajtidit, por saktësia e tij lë shumë për të dëshiruar përveçse dëmton në mënyrë serioze kombëtaren angleze).
STONS 5.5 - Sa i përket manovrës, ia dorëzon çelësat Meguajërit. Paraqitja e tij kalon pa njolla specifike, megjithatë sa herë i ushtrohet trysni, shfaq të gjitha limitet e rolit.
MEGUAJËR 6 - Nëse merr një notë të tillë, merita është më shumë e lojtarëve ofensivë italianë që nuk e provokojnë kurrë.
TRIPIER 7 - Ishte basti që Sauthgejti fitoi duke qenë se mbrojtësi i Atletikos është ai që dha asistin e golit. Me shpejtësinë e tij bën si duhet të dyja fazat deri kur Italia barazon dhe trajnerit i duhet më shumë forcë sulmues (nga 70' Saka 6 - I rrezikshëm falë kilometrazhit, por përveç një kartoni të Kielinit nuk bën shumë. Pavarësisht moshës, ka kurajën të marrë përsipër një penallti vendimtare nga e cila me siguri do të nxjerrë shumë mësime).
FILIPS 7 - Ndoshta ndeshja e tij më e mirë e të gjithë Europianit. Me shumë përkushtim mbulon Verratin e më pas gjen kohë e forcë për të sulmuar. Energjitë e tij duken të pashtershme e jo më kot ishte motori i skuadrës edhe në finale.
RAJS 7 - Një ndeshje e madhe edhe për mesfushorin që pakkush e njihte përpara këtij Europiani. Vertikalizimet dhe mbulimet e tij ishin të gjitha të sakta, por në momentin e nevojës për përvojë, trajneri zgjodhi Hendersonin i cili nga minuta e
74-t i dha tjetër "veshje" mesfushës (nga 120' Rashford 4 Duhet të ishte specialisti i pikës së bardhë, por shndërrohet në makth. Mund Donarumën, por jo shtyllën me topin që përplaset te pingulja dhe shkon në fundore, ashtu siç shkojnë edhe shpresat e Anglisë për ta përjetuar triumfin në shtëpi).
SHOU 7 - Goli i mrekullueshëm ashtu si shumica e ndeshjes së tij. Barela paguan faturën e përpjekjeve për ta mbuluar, teksa anësori i Junajtidit u dha vazhdimësi të gjithë gjërave të mira që pati treguar gjatë sezonit të tij me ekipin e klubit.
MAUNT 5.5 - Më tekniku, por paradoksalisht edhe më i fikuri. Mendon shumë për detyrat dhe në ato kushte fantazia e tij nuk del aspak në pah. Hapësirat e pakta dhe ndjekja e rivalëve e nxjerrin totalisht jashtë xhirove e mbase duhej zëvendësuar më herët (nga 99' Grilish 5 - Shumë talent, por edhe shumë mediatik. Të gjithë i druheshin, por mesfushori nuk tregoi asgjë nga repertori që ka kthyer në një yll të futbollit përtej La Manshit.
STERLING 5.5 - Duhet të ishte mes lojtarëve vendimtarë, por individualizmi i tepër e penalizon atë dhe ekipin. Rivalët i druhen dhe e kufizojnë në ato pak nisma që ndërmerr. Ndeshje për t'u harruar.
KEJN 7 - Luan për skuadrën për 120 minuta, por për fatin e keq jo të gjitha janë cilësore. Pas minutës së 70-të, kur nis t'i bjerë edhe ritmi, bie edhe Anglia që pas golit të pësuar nuk ringrihet më. Me forcat e fundit mban ekipin gjallë te penalltitë, por nuk mjaftoi. TRAJNER SAUTHGEJT 5.5 - Sjell në finale një ekip rreth të cilit kishte shumë skepticizëm. Për mënyrën se si nisi sfida, mund ta menaxhonte më mirë duke ndërhyrë më herët. Edhe një herë, e në 25 vite distancë, ëndrra e tij europiane, përplaset pas shtyllës. Merita ka të shumta, por finalen e fitoi Mançini.