Marota: Mbajmë yjet, Murinjo është një dhelpër
“Edhe për klubet e tjera negociatat do të jenë të vështira”
Do të jetë Interxhenoa që do të nisë kampionatin e zikaltërve të Simone Inzagit, të thirrur për të mbrojtur titullin e fituar sezonin e kaluar me Antonio Konten në stol. Përpilimi i kalendarit të sezonit të ri ka qenë edhe rasti për të diskutuar lidhur me merkaton, me administratorin e deleguar Xhuzepe Marota që ka siguruar tifozët pas nisjes së Hakimit me drejtim PSG-NË: “E nisim me një organikë që do të konfirmohet me 90% dhe do ta kompletojmë në mënyrën më të mirë edhe për nisjen e Hakimit. Konsiderojmë që këtë vit për klubet do të jetë e ndërlikuar të bëjnë operacione të mëdha”.
NAINGOLAN DHE ZHOAO MARIO - Marota është ndalur edhe te dy negociata të tjera shumë të nxehta të këtyre ditëve, ato që mund të rikthejnë Raxha Naingolanin te Kaljari dhe atë që transferoi Zhoao Marion te Benfika, duke shkaktuar tërbimin e Sportingut të Lisbonës: “Nandez si shkëmbim për Naingolanin? Nuk mund të hyj në këtë situatë. Është një lojtar i mirë, por skuadra është për momentin e sistemuar. Çështja e Zhoao Marios? Ia dërgojmë dërguesit këto akuza të Sportingut”.
MURINJO – Çfarë mendimi ka Marota për provokimet e Zhoze Murinjos për ishskuadrën e tij (“Interi fiton pa paguar rrogat”)?: “Moun e njohim mirë: është një dhelpër, dinak, është mësuar të thumbojë kundërshtarët, t’i nervozojë e ndoshta t’i stimulojë. Së paku, unë ndihem me siguri më i stimuluar. Nuk është megjithatë ky vendi për të krijuar polemikë. Na mbetet neve të mos biem pre e provokimeve e as në polemikave të ndryshme”, përfundoi Marota.