Çalhanoglu: E furnizoj unë me gola “Lu-la”-n
Një “thumb” për Milanin: Atje vetëm Pioli donte që të qëndroja
Hakan Çalhano glu i ka idetë shumë të qarta: ka vendosur të ndryshojë spondën e Milanos, duke u larguar nga Milani për të fituar yllin e dytë me kushërinjtë e Interit. "Shpresojmë të kemi mundësi të përsëritemi sërish në kampionat, - ka shpjeguar mesfushori turk për "CBS Sports" duke folur për objektivat sezonalë. - Gjëja tjetër që dua, është të bëj gjëra të mëdha në Ligën e Kampioneve. Besoj te skuadra jonë, kemi lojtarë të mëdhenj me shumë cilësi dhe shpresoj që trajneri i ri të arrijë majat". Çalhanoglu ka djersirë dhe buzëqeshur në "Appiano", në tre seancat e tij të para. Pavarësisht se me vetëm pak punë në këmbë, të mërkurën Inzagi e ka angazhuar menëjhërë në testin miqësor të parë për sezoin e ri me Sarnikon: përfundoi 16-0 dhe turku në pjesën e majtë të mesfushës luajtir në vendin e Eriksenit. Ndërkohë që ka folur edhe për "DAZN", duke thumbuar ish-skuadrën: "Pioli ishte i vetmi që dëshironte vërtet të qëndroja te Milani. Bisedova shumë me të, më pas respektoi vendimin tim. Sistemi i ri i lojës? Më pëlqen: në rolin tim, me Inzagin, ka luajtur Luis Alberto, i cili në disa aspekte më ngjason. Nga Inzagi më pëlqen vëmendja, mënyra se si flet". Pas intervistave mediatike, blerja e re e Interit u është dedikuar edhe pyetjeve të tifozëve zikaltër që përmes profilit zyrtar "Instagram" të klubit i kanë shtruar kureshtjet e tyre lojtarit, i cili u është përgjigjur edhe disa pyetjeve të mbështetësve duke zbuluar edhe numrin e fanellës.
Çfarë ju bëri të zgjidhnit Interin?
Ishte një vendim i lehtë, ndodhi gjithçka shumë shpejt falë drejtorit Auzilio dhe trajnerit Inzagi.
Keni bërë shoqëri me shokët e rinj?
Po, kam bërë shoqëri me Radun, Kolarovin, Naingolanin, Sensin, thuajse me të gjithë. Po i njoh me radhë.
Çfarë numri do të zgjidhni?
Kam zgjedhur 20-ën. Zakonisht përdorja 10-ën, atëherë 10+10 bën 20: do të përdor këtë numër.
A mund t’ju zgjedh në futbollin virtual?
Absolutisht po, sepse këtë vit do të përpiqem të jap shumë asiste për Romelun dhe Lautaron.
Çfarë preferoni mes asisteve dhe golave?
Më pëlqen shumë të jap asiste sepse është shpërblyese të ndihmosh shokët.
Pesë lojtarë të preferuar nga historia e Interit?
Zaneti, Ronaldo, Adriano, Eto dhe Shnajder.
Penallti apo goditje dënimi?
Preferoj të ekzekutoj goditjet e dënimit dhe të përpiqem të shënoj gola.