Deshamp driblon: Unë në stolin e Juves? As po, as jo
Trajneri i Francës gati për gjysmëfinalen me Belgjikën
Didie Deshamp u paraqit përpara mediave tri ditë përpara ndeshjes gjysmëfinale të Ligës së Kombeve kundër Belgjikës. Trajneri i Francës preku shumë tema mes së cilës edhe atë të rikthimit të Karim Benzemasë në kombëtare pas skandalit të shantazhit seksual me Valbuenën. Procesi gjyqësor ndaj sulmuesit të Realit vijon dhe në rast të shpalljes fajtor të sulmuesit, Deshamp u pyet nëse do ta përjashtonte nga Botërori i vitit të ardhshëm. “Unë marr vendime sportive. Nuk dua të flas për një vendim gjykate që nuk ka dalë”, tha Deshamp, i cili ka grumbulluar vëllezërit Hernandez për herë të parë së bashku: “Është diçka e rrallë, sidomos në nivel ndërkombëtar. Ata janë dy vëllezër. Lukas ka aftësinë për të luajtur si në qendër të mbrojtjes ashtu edhe në krah. Mund të luajë edhe bashkë me Teon”. “Telefoot” e pyeti edhe aventurën e tij pas kombëtares dhe nëse ka menduar në të ardhmen marrjen e drejtimit të një klubi. Ish-tekniku i Monakos, Marsejës dhe Juvencunami. tusit, preferoi që të luante lojën e “as po, as jo”. “A jam gati të marr drejtimin e një klubi? Po dhe jo. PSG? Po dhe jo”. Në lidhje me aventurën te bardhezinjtë, ai e përshkoi kështu eksperiencën e tij: “Ndryshova tërësisht planet, edhe pse kisha pasur një eksperiencë të mirë te Marseja. Por Juve është Juve, një prej klubeve më
të mëdha të nivelit botëror. Në Torino kishte një mentalitet të ndryshëm, një qasje të ndryshme ndaj stërvitjes, një përgatitje të gjatë, shumë specifike dhe të vështirë. Por ishte krenaria e veshjes së një fanelle të një klubi të madh. Erdha në majë të gishtave. Në fillim ishte e vështirë, sepse pësova dëmtim në kavilje dhe m’u
desh të operohesha. Përjetova 5 vite të mrekullueshme si futbollist, me këtë kulturë për fitoren e cila është prezente çdo ditë dhe pavarësisht kësaj, kishte një ambient familjar, i krijuar nga trajneri Marçelo Lipi dhe nga drejtuesit Moxhi, Betega dhe Giraudo. Kur Juve barazon është një katastrofë, nëse humbet është një
Ka një profesionalizëm të madh”. Pastaj ai tregon përse pranoi ta stërviste klubin në Serinë B: “Ishte në vështirësi pasi u rrëzuan. E nisëm me pikë të penalizuara dhe u ngjitëm në Serinë A. Nuk do të hyj në detaje, por pasi fituam kampionatin, nuk ishin në kushtet për të vazhduar një vit më pas”.