Harrohet “sex gate”, Valbuena: Benzema e meriton ‘Topin e Artë’
Karim Benzema ka arri tur të bëjë për vete edhe "armikun" e tij, Matië Valbuena, me të cilin u detyrua të përballej deri në gjykatë dhe humbi për disa vjet kombëtaren franceze. Sezoni fantastik i bërë nga sulmuesi i Realit të Madridit ka bërë që Benzema të marrë lëvdata dhe nga ish-shoku i tij. Dy personazhet u përfshinë në një çështje gjyqësore që zgjati me vite, me Valbuenën që akuzoi Karim Benzemanë për shantazh, në atë që njihet dhe si "sex gate". Çështja gjyqësore u mbyll vetëm pak muaj më parë, teksa vetëm pak ditë para finales së Ligës së Kampioneve, Karim Benzema vendosi të mos apelonte vendimin e gjykatës së Versajës në Francë që e dënonte me 1 vit burg me kusht dhe një gjobë prej 75 mijë eurosh. Kjo ka bërë që mesfushori i Olimpiakosit
dhe ish-shoku i skuadrës në kombëtaren franceze të ndihet i lehtësuar dhe "i lumtur", siç e ka pranuar në programin "Rothen s'enflamme", i prezantuar nga ish-mesfushori i PSGSË, Zherom Roten, në "RMC". Valbuena ka rrëfyer se nuk është i inatosur me Benzemanë,
madje ai ka theksuar se ka bërë "fushatë" që sulmuesi i Realit të Madridit të fitojë "Topin e Artë" për vitin 2022. "Nuk do të ishte e sinqertë të thuash se ai nuk e meriton 'Topin e Artë'. Ai e meriton. Mund të flas objektivisht në nivel sportiv dhe e bëj me dëshirë, me kënaqësi.
Nuk ka asnjë problem", ka thënë të martën mesfushori 37vjeçar. Nga ana tjetër Valbuena ka konfirmuar se nuk ka më asnjë hatërmbetje me Karim Benzemanë, pavarësisht gjithçkaje që ndodhi mes tyre në procesin gjyqësor që zgjati prej më shumë se 6 vitesh.