Moçka: Po pres një telefonatë, por nuk iki pa ngjitur Flamurtarin
Këshilla e portierit: Duhet merkato e kujdesshme
Shpëtim Moçka është në pritje të një telefonate nga klubi. E megjithatë, ndonjë dilemë të madhe për të ardhmen nuk e ka. Portieri “veteran” i premton besnikëri Flamurtarit, ndërsa qartazi e thotë se do të qëndrojë te kuqezinjtë derisa të ngjiten në elitë. Në një intervistë të dhënë për “Panorama Sport”, gardiani mendon se misioni do të realizohet sipas planit dhe në 2023-shin do të jenë në Superiore. Vlerësime maksimale ka për grupin që mbylli sezonin, ndërsa këshillon që merkatoja të bëhet e kujdesshme
në ato reparte ku është e nevojshme.
Moçka, me çfarë po merreni aktualisht?
Po pushojmë pas një sezoni të gjatë. Por tani po u vjen fundi edhe pushimeve. Këto ditë do filloj stërvitjen individuale për të qenë gati për seku
zonin e ri futbollistik.
Ju kanë kontaktuar nga Flamurtari për të ardhmen? Jo, nuk më kanë kontaktuar për të ardhmen. Normalisht që jam në pritje.
Do të vazhdoni me Flamurtarin apo keni plane të tjera?
Flamurtari mbetet në plan të parë për mua. Dëshira ime dhe parësorja është të vazhdoj me Flamurtarin. Jam në shtëpinë time dhe ndihem mjaft mirë këtu. Pastaj dua të shtoj se misioni im te Flamurtari nuk ka mbaruar ende. Unë dua që të jap kontributin tim për ta
ngjitur Flamurtarin në Superiore dhe për ta çuar aty ku e ka vendin. Ndaj dëshira ime është që të qëndroj në Vlorë. Çfarë këshilloni për merkaton?
Këshilloj që merkatoja të jetë e kujdesshme. Duhet të merren ata lojtarë në ato reparte ekipi ka nevojë. Nëse do të bëhet një merkato e mirë, atëherë jam i bindur se do të kemi një sezon të suksesshëm në Kategorinë e Parë si dhe do ta kemi më të lehtë arritjen e objektivit.
Po grupin aktual si e vlerësoni, ju bind?
Patjetër që po. Është një grup me lojtarë profesionistë dhe që e kanë treguar veten e tyre. Luajtën për Flamurtarin edhe në atë kategori inferiore dhe sakrifikuan. Janë djem shumë të mirë dhe punëtorë. Kanë eksperiencën e nevojshme dhe meritën për ta sjellë skuadrën një kategori më lart.
Kur e shikoni Flamurtarin në Superiore?
Unë kam besim absolut te presidenti që do ndërtojë një ekip të denjë që do ta ngjisë Flamurtarin aty ku i takon. Ekipin e shoh në Superiore për 100vjetorin e klubit.