Skaroni: Maldini i sigurt, sivjet duam Champions-in
Presidenti jep garanci për rinovimet dhe stadiumin e ri “Edhe Ibra me ne, në merkato nuk do të qëndrojmë duarkryq”
Paolo Skaroni, presi denti i Milanit, ka sqaruar rinovimet e Paolo Maldinit dhe Frederik Masarasë, të planifikuara për ditët në vijim. Numri një i kuqezinjve bëri gjithashtu disa deklarata për gazetën “La Politica nel Pallone” duke folur për ambiciet e kuqezinjve në sezonin e ri ku vëmendje të madhe do të marrë Champions-i.
Çfarë do të ndryshojë me ardhjen e “Redbird”-it?
Ndërrimi i pronësisë ka krijuar situata që nuk ekzistonin dhe ka vonuar shumë gjëra, por marrëdhëniet janë të shkëlqyera. Nuk shqetësohem shumë për çështjen Maldini dhe Masara, në kuptimin që nuk kam dyshim se do të arrihet një marrëveshje. Ata ishin të rëndësishëm për fitoren e titullit.
Kur do të fillojë Milani të lëvizë në merkato?
Në fakt nuk shoh dhjetëra marrëveshje të përfunduara, janë vetëm dhjetëra hipoteza. Jemi më të rezervuar se të tjerët dhe nuk kam përshtypjen se po humbasim terren.
Për sa mund ta shisni
Rafael Leaon?
Ai është një aset i çmuar për Milanin, por kemi treguar se dimë të bëjmë zëvendësime të pabesueshme. Po mendoj për dëmtimin e Kjaerit dhe promovimin e
Kalulusë: jemi të lumtur që kemi zbuluar një talent.
Cila do të jetë e ardhmja e Ibrahimoviçit?
Uroj që të zbresë sërish në fushë dhe mendoj se Ibra e dëshiron këtë. E di që po ecën me një ritëm të përshpejtuar siç di të bëjë ai, ndaj besoj se do të fillojë të luajë përsëri nëse përfundon rehabilitimin siç duhet. Ai pati një rol themelor dhe do të vazhdojë ta luajë atë deri në frymën e fundit si profesionist.
Do ta ndërtonin vetëm stadiumin apo me Interin?
Duhet të kërkojmë konfirmim në vullnetin e Interit në takimin që kemi parashikuar midis Xheri Kardinales dhe Stiven Zhangut, të cilët ende nuk janë takuar. Me atë rast do të shqyrtojmë dëshirën e aksionerëve për të zhvilluar hipotezën e ndërtimit të impiantit në Sesto San Xhovani.
Çfarë prisni nga sezoni i ri?
Që të bëjmë më mirë, e sidomos në Champions. Vitin e kaluar u eliminuam në grupe dhe këtë vit synojmë të bëjmë më mirë dhe të rikthejmë Milanin për të konkurruar, siç ka bërë aq shumë herë në të kaluarën.