Musaku: Që kur erdhi Canaj, nuk mora më dieta
Ankohet mbrojtësi: Nga kapiten përfundova në... tribunë “Rrogën e merrja, por me vendim të trajnerit m’u hoq trajtimi”
Ubënë vite që Lush nja vuan mung esën e lojtarëve vendës. Të rrallë janë elementët e dalë nga shkolla verdhejeshile që rezistojnë në formacion. Këtë fat e ka pasur edhe Dionis Musaku. Jo më larg se dy sezone më parë ishte kapiten, por sezonin e fundit përfundoi në tribunë. Në total ka marrë vetëm 496 minuta nga 6 ndeshje dhe pjesën tjetër e ka ndjekur si spektator. 26-vjeçari e ka vuajtur këtë trajtim që i është bërë. Në një deklaratë të dhënë enkas për “Panorama Sport”, lojtari që 10 vitet e fundit është aktivizuar vetëm në vendlindje, përveç një shkëputje sezonale që pati te Shkumbini (20172018), rrëfen edhe një problematikë që ka pasur me financat. Nëse në pjesën e parë të sezonit merrte rrogën mujore dhe dieta,
diçka i firoi me ardhjen e Agim Canajt në stol. “Kam pasur 2-3 kontakte gjatë kësaj periudhe. Gjithsesi, për momentin po qetësohem. Do vendos pasi të kthehem nga pushimet. Dëshirën që të largohem nuk e kam. As që e kam menduar një gjë të tillë. Por, kurrë nuk i dihet. Edhe mund të ndodhë, ashtu si në kohën kur ika te Shkumbini, ndonëse gjithë karrierën time ia kam kushtuar ekipit të vendlindjes. Kam qenë këtu edhe në ditë të vështira. Është qyteti ynë dhe do të jemi aty në të mirë e në të keq. E megjithatë, është fakt që nuk kam pasur shumë hapësira. Kanë qenë pothuajse zero që me ardhjen e trajnerit Agim Canaj”, deklaroi fillimisht mbrojtësi.
HAPËSIRAT - Ai flet edhe për situatën e vështirë që po kalon, kur brenda dy vitesh nga kapiten përfundoi në tribunë: “Është e vështirë për mua. Duket edhe qesharake diçka e tillë. Duke pasur parasysh ndryshimin e trajnerit, secili preferon lojtarët e tij”.
FINANCAT - Musaku flet edhe për financat e tij te Lushnja dhe problemin që hasi me dietat. “Pjesën e parë të sezonit kam marrë 30 mijë lekë (të rinj) pagë mujore, bruto dhe dietën ushqimore në lekë. Pas ardhjes së trajnerit Canaj nuk e kam marrë më dietën ushqimore në lekë. Për shkak të një vendimi të marrë nga ai dhe që nuk më është komunikuar asnjëherë, pse ka ndodhur kjo? Rroga e muajit maj ka kaluar në llogarinë tonë. Lushnja ka qenë gjithmonë korrekte”, u shpreh 26-vjeçari.
PANKINA - Lushnja vijon të jetë pa trajner dhe të gjithë janë në pritje të njeriut që do të ulet në stolin verdhejeshil. Mbrojtësi mendon që klubi duhet të nxitohet e të marrë masat, pasi kampionati do të jetë “zjarr”. “Mendoj se drejtuesit duhet të lëvizin sa më parë me caktimin e trajnerit. Koha kalon shpejt dhe vjen periudha e përgatitjeve. Këtë vit kampionati parashikohet të jetë shumë i fortë. Atëherë duhet lëvizur sa më shpejt, në vendosjen e stafit teknik dhe në afrimin e lojtarëve”, përfundoi Musaku.