Arjan Peço firmos me Nisën, do ketë rolin e ndihmëstrajnerit
Nga moshat e Bazelit, te 4 herë kampionët e Francës Pjesë e stafit të Favresë, ja karriera e ish-mesfushorit
Klubi i njohur fran cez, Nisa, ka pre zantuar trajnerin e ri të saj, Lusien Favre, zviceranin që merr edhe një herë drejtimin e skuadrës, pas largimit të Kristofer Galtierit. Pjesë e stafit teknik të Favresë do të jetë edhe ishmesfushori i Kombëtares shqiptare, Arjan Peço, i cili ka luajtur edhe për Dinamon dhe Partizanin në Superiore. 47-vjeçari ka punuar si teknik i skuadrave të moshave të Bazelit, nga U17 e deri tek U-21, ndërsa tani ka nisur një aventurë të re në Francë si ndihmëstrajner te 4 herë kampionët e Francës.
KARRIERA E PEÇOS
Arjan Peço është aktualisht 47 vjeç, i lindur në Leskovik. Ai e ka nisur karrierën e tij te klubi i Dinamos, ku ka luajtur nga viti 1992 deri në 1996, ku arriti të shënonte edhe 12 gola në 95 ndeshje të luajtura gjithsej. Një mesfushor i mirëfilltë, i cili pas katër vitesh kalon te skuadra tjetër e kryeqytetit, Partizani, ku aktivizohet edhe për dy vite të tjera, deri në 1998, kur do të niste edhe një aventurë jashtë Shqipërisë. Destinacioni do të ishte Zvicra, ku Peço firmos me Delemontin për një sezon dhe më pas shkon tek Yverdon për dy vite. Ndërkohë, ekipi tek i cili ka qëndruar më gjatë dhe ka numrin më të madh të ndeshjeve është Konkordia Bazel, ku ai luan nga viti 2001 deri në 2006, duke regjistruar 140 ndeshje. Karriera e tij mbyllet po në Zvicër, me skuadrën e Laufenit në 2008-ën. Gjithashtu, Arjan Peço ka kontribuar edhe në ekipin kombëtar, nga 1996 deri në 2002, me 13 ndeshje në total. Karriera e tij si trajner filloi në vitin 2011, po në shtetin zviceran, ku ai drejtonte moshën U-14 të ekipit të Bazelit. Me kalimin e viteve ai u transferua tek U-17, U-18, deri tek U-21, ndërsa tani ka një sfidë më vete, atë të trajnerit të dytë në një klub të madh në Francë, siç është Nisa.