Agjenti i Manesë: Mesi i vendosi Barçës kusht Sadionë
Argjentinasi kërkoi dy emra për të rinovuar në “Camp Nou” “Donte sulmuesin dhe një qendërmbrojtës argjentinas”
Lionel Mesi kërkoi Sa dio Manenë te Bar celona përpara se të largohej nga “Camp Nou” për të firmosur me PSG-NË. E thotë menaxheri i sulmuesit të Bajernit. Me kontratën e Mesit që skadonte verën e shkuar, ylli argjentinas kërkoi gjatë bisedimeve me klubin për rinovimin dy emra futbollistësh për të firmosur. Mane, i cili një vit më parë luante në “Anfield” ishte një nga emrat që 35-vjeçari kërkoi në “Camp Nou”, ndërsa ai ishte duke negociuar kontratën e re. “Vitin e shkuar Mane mund të ishte transferuar te Barcelona”, tha Bakari Sise për “RMC Sport”. “Ishte Lionel Mesi, i cili kërkoi emrin e Sadio Manesë si kusht për rinovimin e kontratës së tij me Barcelonën. Ai dha dy emra: Sadio Manenë dhe një qendërmbrojtës argjentinas”. Sise i cili e dërgoi sulmuesin senegalez një javë më parë në Mynih, zbuloi se për 30vjeçarin ishte i interesuar edhe klubi i PSG-SË. Por me kampionët e Francës diskutimet u mbyllën për shkak të largimit të drejtorit sportiv, Leonardo. “Po, PSG-JA u hodh në sulm për Sadionë. Leonardo kishte disa kontakte me menaxherin gjerman. Ata u takuan me njëritjetrin, diskutuan detajet për transferimin e Sadiosë te PSGJA, por përfundoi atje. Të gjithë e dinin se Leonardo ishte në një karrige me katapultë dhe ne duhet të prisnim”. Mesi e ka konfirmuar edhe më herët admirimin e tij për ish-yllin e Liverpulit, ndërsa votoi për Manenë për të fituar çmimin e lojtarit më të mirë të FIFA-S 3 vite më parë. Senegalezi u rendit në vend të katërt dhe Leo tha: “Është për të ardhur keq që Sadio u rendit i katërti, por unë mendoj se këtë vit kishte shumë lojtarë të shkëlqyer. Prandaj ishte e vështirë të zgjidhje një emër në veçanti. Unë zgjodha Manenë sepse është një lojtar që më pëlqen dhe bëri një sezon të shkëlqyer me Liverpulin”.
Unë dhe Hasan Salihamixhiç kemi shpesh diskutime dhe ai më thotë gjithnjë: “Ti më kritikon shumë. Ti e kritikon shumë Bajernin”. Po, e bëj këtë kur ata luajnë keq. Unë nuk mund t’i lavdëroj. Nëse transferimet e tyre nuk funksionojnë unë nuk mund të them: “Janë të shkëlqyera”. Sarr, Roka, Zabicer, Riçards, Toliso, Arp janë emra për të cilët kam thënë gjatë këtyre dy viteve se nuk janë për Bajernin e Mynihut. Dhe ata e kanë pranuar më pas. Por Salihamixhiç ka bërë edhe blerje të mira (Alfonso Dejvis dhe Sadio Mane). Por kur ti e lavdëron dikë dhe thua: “Uau, transferim i shkëlqyer”, atëherë ai nuk vjen dhe të thotë: “Faleminderit që më lavdërove”. Por nëse ti e kritikon, ditën tjetër të merr në telefon dhe të thotë: “Hej, çfarë the përsëri? Transferim i keq. Po ka kushtuar vetëm 5 milionë euro”. Po, por këto 5 milionë euro mund të ishin investuar shumë më mirë. Kur telefoni më bie në mëngjesin e së dielës me numër anonim ai mund të jetë vetëm Uli Hënes (ish-presidenti, sot presidenti i nderit). Ai ka parë ndeshjen në TV mbrëmjen e së shtunës të cilën unë e kam komentuar si opinionist dhe kur Bajerni humbiste 2-1 apo 3-1 me Maincin apo diku tjetër, normal që do të kritikohet. Por ai shpërthen në telefon për 5 minuta. Unë nuk mund të them asnjë fjalë gjatë kësaj kohe, flet vetëm Uli Hënes. Është e pabesueshme. Ai vetëm më shan. Dhe kur i mbaron fryma, unë i them: “Uli, a mund të them edhe unë diçka për këtë? Pastaj vazhdon edhe për një minutë dhe në një pikë ti nis të flasësh. Pas 15-20 minutash në telefon ai të thotë në fund: “Përse nuk vjen në Tegernze dhe pimë nga një gotë verë?” Unë e urova Hasan Salihamixhiçin për transferimin e Sadio Manesë. Sepse mendoj se Mane e kishte shansin për të firmosur me klube të tjera gjithashtu gjatë kësaj merkatoje. Ky transferim nuk është i rëndësishëm vetëm për Bajernin, por edhe për Bundesligën. Sepse Mane është fytyrë e futbollit botëror. Salihamixhiç i meriton me të drejtë lavdërimet që ka marrë ditët e fundit për këtë operacion. Megjithatë, ai nuk më ka marrë ende në telefon për të më thënë faleminderit për vlerësimin tim për transferimin e Sadio Manesë. Do të jem i lumtur kur ai t’i bjerë përsëri numrit tim. Kur kritikoja me të drejtë atë dhe politikën e tij të transferimeve apo vendime të tjera gjatë muajve të fundit, telefoni më binte rregullisht. Ai mund të bëjë të njëjtën gjë tani. Do të ishte diçka e bukur nëse Hasani do të ngrinte receptorin tani dhe jo vetëm kur ka për të më thënë diçka që nuk i ka pëlqyer”.