Je “gay” dhe merr ryshfet, Klatenburg arratiset nga Egjipti
Kërcënohej nga presidentë klubesh dhe tifozët e tyre
Mark Klatenburg ka braktisur pu nën e tij si shefi i arbitrave në Egjipt për shkaqe sigurie, ndërsa ka marrë kërcënime nga tifozë dhe sulme personale nga zyrtarë të klubeve. Ish-arbitri i Premier Ligës, e mori rolin e disenjatorit të arbitrave në gushtin e vitit të shkuar dhe detyra e tij ishte të rriste nivelin e arbitrimit në Egjipt. Por Klatenburg është kritikuar ashpër nga Mortada Mansur, presidenti i klubit Zamalek, 14 herë fituesve të Premier Ligës së Egjiptit. “The Sun” shkruan se Mansur e kritikoi rolin e Klatenburgut në futbollin egjiptian në një dalje televizive, ndërsa e akuzoi atë për korrupsion edhe kur mbulonte të njëjtin rol në Arabinë Saudite dhe akuzoi se urdhëronte arbitra të caktuar që t’i mbyllnin ndeshjet më herët. Klatenburg, i cili është i martuar me Kler, është përballur edhe me akuza personale nga ana e Mansurit. Ai është akuzuar pa asnjë bazë se ka lënë gruan e tij dhe ka nisur një marrëdhënie të re homoseksuale. Edhe pse aktiviteti seksual me të njëjtës gjini nuk është
një krim në Egjipt, personat e komunitetit LGBT janë përndjekur për sjellje të shthurur në të shkuarën dhe homoseksualiteti pranohet pak në jetën e vendit. Khaled Abu Bakr, një avokat i njohur në Egjipt, bëri thirrje për ndërhyrje urgjente të qeverisë pas akuzave ndaj Klatenburgut për korrupsion, duke paralajmëruar se situata mund të kthehet në një rrezik të paprecedentë për reputacionin ndërkombëtar të sportit egjiptian. 47-vjeçari
është kërcënuar edhe nga tifozët e Zamalekut, duke sjellë arratisjen e tij nga vendi. Klatenburg kishte gjithashtu shqetësime se po i ndryshoheshin arbitrat për ndeshjet e kampionatit, ndërsa ai po dështonte që të bindte arbitrat e huaj për të ardhur dhe gjykuar ndeshjet e rëndësishme. Ish-bilbili më i mirë anglez nuk ishte paguar prej dy muajsh, ndërsa mësohet se rroga e tij mujore ishte 32 mijë paund në muaj. Federata
Egjiptiane e Futbolli konfirmoi dhe pranoi dorëheqjen e Klatenburgut. Por gazeta egjiptiane, Al-ahram raportonte se Federata Egjiptiane ishte surprizuar nga vendimi i tij. Ata mohuan që të kishin ndryshuar arbitrat e ndeshjeve dhe thoshin në deklarata se do ta mirëprisnin rikthimin e tij. Ata pretenduan gjithashtu se shqetësimet në lidhje me sigurinë e tij ishin një ekzagjerim, ndërsa e cilësonin Egjiptin vendin më të sigurt në botë.