Ja disa nga shkaqet e dështimit të Bajernit në Bundesligë në 2023
Dy pikë pas dy xhirove në Bundesligë është bilanci i kampionëve në fuqi të ligës gjermane në vitin e ri kalendarik 2023. Edhe pse kundërshtarët nuk mund të titullohen me të drejtë "gurë" të rëndë, duke marrë parasysh pretendimet e Bajernit, sërish ia kanë dalë të rrëmbejnë pikë ndaj tyre. Madje situata mund të kishte shkuar edhe më keq nëse te të dyja takimet vendimi i diskutueshëm i arbitrit pas ndërhyrjes së rrezikshme të Upamekanos dhe goli i Kimish në limite ndaj Këlnit do të ishin realizuar. Më poshtë po ju prezantojmë me tri arsyet e kësaj "drame" që ka pushtuar ekipin e Nagelsmanit në vitin 2023 sipas "FCB Inside":
1. RENDIMENTI I ULËT NGA "PANCERAT" -
Strategu Nagelsman nuk ka kryer asnjë ndryshim në formacionin bazë në dy duelet e fundit, të cilat për fatin e tyre të keq nuk ka dhënë rezultatin e pritshëm. Ajo çka evidentohet është prezenca e lojtarëve të përfaqësueses gjermane në Botërorin e Katarit. Edhe pse aktiviteti ka më shumë se një muaj që i ka larë duart, sërish boshti Kimishgorecka-musiala-gnabri-sane-myler vazhdojnë të demonstrojnë forcë të reduktuar kreative dhe goditëse në drejtim të kuadratit mik. Kapiteni i ri i bavarezëve u kthye në futbollistin më të dobët ndaj Lajpcigut, ndërsa përballë Këlnit këtë damkë e mori Gorecka. Nëse shkojmë pak më lart, trinomi Gnabri-musiala-sane vazhdojnë të vozisin pa efikasitet në shërbim të ekipit. Driblime të panevojshme në mesfushë, lojë e dobët nga krahët. Dhe në fund, "plakushi" Myler, i cili ka marrë trajtën e një rezervisti në fillim të sezonit të ri kalendarik. Edhe në fragmente kur ai inkuadrohet në lojë, sërish mbart peshën e veprimeve të lexueshme.
2. MUNGESA E QËNDRUESHMËRISË - Situata aktuale e grupit të Nagelsmanit përngjan me periudhën e muajit shtator, aty ku kampionët e Bundesligës vuanin serinë negative të rezultateve. Ndaj Lajpcigut, Bajerni ishte dominant në çdo aspekt në fraksionin e pjesës së parë, e cila u shpërblye me golin e Çupo-moting. Pjesa tjetër e lojës dha tablo me pigmente të ndryshme, me vendësit promotorë në krijimin e aksioneve të rrezikshme dhe në fund barazim. Strategjia pati të njëjtin aplikim edhe me Këlnin, vetëm se ndryshoi interpretimi i pjesës, e përkthyer me dominimin e miqve në fragmentin e parë të lojës dhe e përmbysur nga të zotët e shtëpisë në të dytën, por pa rezultat triumfues.
3. DOBËSIA NË GODITJET E DËNIMIT - Gjigantët nga Mynihu si rezultat i lojës së tyre imponuese në zonën e rivalit, i detyrojnë këta të fundit të shkaktojnë ndërhyrje të dënueshme. Gjithsesi, kjo pikë ka marrë trajtë të parëndësishme mbi rrezikshmërinë në kuadratin mik. E kundërta mund të thuhet në prapavijën e tyre. Shembulli më i qartë është realizimi i Këlnit, i cili erdhi pikërisht si rezultat i goditjes së këndit. Dyshja Upamekanode Ligt ende nuk e kanë gjetur gjuhën e përbashkët në kombinimet, si në shfrytëzim ashtu edhe në pastrimin e zonës së katërkëndëshit të tyre.