“Niko Dovana” pushtohet nga tifozët, gjithë Shijaku në Durrës
Në një atmosferë fantastike në stadiumin e Durrësit, Erzeni dhe Tirana u ndoqën nga rreth 3500 tifozë, teksa ata shijakas e bënë festë në shkallët e "Niko Dovanës". "Panorama Sport" ju sjell të gjitha momentet pikante në ndeshjen që u fitua nga bardheblutë.
* Dy ish-portierët durrsakë, në pankinat e skuadrave. Ndërsa Kapllanajn nuk e zinte vendi, duke kërkuar më shumë nga lojtarët, ndërsa Orges Shehu shuante etjen duke pirë ujë.
* Ultrasit e Erzenit dhe "Fanatics" ndezin "Niko Dovanën". Rreth 3000 shijakas dhe afro 500 kryeqytetas, të cilët e bëjnë festë me fishekzjarrë, këngë, banderola e flamuj. Brohoritje e ovacione pa fund gjatë gjithë takimit. * Dy presidentët, Durim Keçi dhe Refik Halili, ishin pranë njëri-tjetrit në tribunën VIP. * Në minutën e 30-të tifozët shijakas u kundërpërgjigjen "Fanatiks"-ave me dritat e telefonit.
* Gjatë ndeshjes ishin 6 lojtarë shqiptarë të Maqedonisë në fushë nga të dyja ekipet.
* Portieri Xhika luan në pjesën e parë me bluzën ngjyrë lejla, ndërsa në të dytën fanellën me ngjyrë limoni.
* Enk i Erzenit e ka mbuluar rreptësisht Gjumsin, që ka qenë lojtar i papërmbajtshëm te Tirana.
* 10 minutat e fundit u shoqëruan nga një shi i imët. * Pas golit të Tiranës nuk kanë munguar as shishet plastike në fushë apo sharjet nga të dyja anët e tifozërisë. * Tabela elektronike çorienton tifozët me minutat shtesë dhe nderimin e Troplinit afër fundit. Në fakt ishin 6 minuta shtesë.
* Të dyja skuadrat në fund të ndeshjes respektuan tifozët, duke shkuar tek ata. * Kapsollat që janë drejtuar drejt lojtarëve të Tiranës i kanë shoqëruar në dhomat e zhveshjes përgjatë tunelit.