Milani heq dorë nga Zaniolo, Plani “Z” është... Zieh
Lajme të rëndësishme kanë të bëjnë me Milanin dhe merkaton në hyrje. Sipas raportimeve të “Corriere della Sera”, rruga që do të çonte në Nikolo Zaniolo do të ishte e ndërlikuar ndjeshëm. Vështirësitë jo aq të lidhura me një marrëveshje për të gjetur lojtarin, sa për të gjetur atë me Romën. Tani për tani me verdhekuqtë ka distancë si në çmimin e lojtarit ashtu edhe në formulë. Pikërisht për këtë arsye është përhapur zëri sipas të cilit pronarët e Milanit po mendojnë të sjellin Hakim Zieh nën urdhrat e Stefano Piolit. Në këtë mënyrë, Milani mund të shmangë avantazhin e dy konkurrentëve në luftën për Champions (Interi ka 15% në
rishitjen e ardhshme të Zaniolos nga Roma). Dallimi në blerjen e Zieh ose Zaniolo qëndron në faktin se marokeni do të mbërrinte në formë huazimi, ndërsa fantazisti italian do të ishte një investim për katër vitet e ardhshme.
- Sipas raporteve nga portali “Footmercato”, Milani do të ishte shumë i interesuar për anësorin 25vjeçar të Njukasëllit, Alan Senmaksimë. Francezi është një rezervë në Angli dhe mund të gjejë shumë më tepër hapësirë te kuqezinjtë. Drejtuesit e “Djallit” do të ishin të vendosur të formulonin një ofertë në 48 orët e ardhshme, duke synuar formulën e huazimit me mundësi blerjeje. Shumë nga suksesi i këtij akordi do të varet nga bisedimet paralele që Paolo Maldini vijon me Romën për Nikolo Zaniolon, i cili mbetet objektivi kryesor i merkatos kuqezi. Kujtojmë se Sen-maksimë ka qenë synim i “Djallit” edhe disa vite më parë përpara se ai të largohej drejt kampionatit anglez.