Shitja e Milanit, policia sekuestron dokumentet
“Blueskye” kërkon drejtësi, 3 padi për pronarët kuqezi
Njësia e policisë spe ciale të “Guardia di Finanza” - siç raportohet nga Ansa - po bën sekuestro si pjesë e një hetimi të përqendruar në shitjen e Milanit nga fondi “Elliott” te “Redbird” i Xherri Kardinales gushtin e kaluar. Një hetim që më konkretisht nis nga një ankesë e ish-partnerit minoritar në drejtimin e klubit, “Blueskye”. Raportuar për çështjen e një kolaterali tashmë të diskutuar edhe në instanca të tjera. Dosja e prokurorit të Milanos, Xhovani Polici, dhe hetuesit Mauricio Romaneli aktualisht është aktpadi ndaj të panjohurve dhe hipotezon një akord të dyshimtë.
HETIMI - Sipas raportimeve nga Ansa, “Guardia di Finanza” po kryen një sekuestro dokumentesh në disa zyra (jo në selinë e Milanit) duke marrë shkas nga ankesa e shoqërisë luksemburgase, “Blueskye”, që i përket Salvatore Çerkiones dhe Xhanluka D’avancos. Për momentin në dosjen që hipotezon një përvetësim të dyshuar nuk ka asnjë të dyshuar. Shtatorin e kaluar, “Blueskye” dhe kompania e saj mëmë, Luxembourg
Investment Company, paraqitën një apel urgjent në Gjykatën Civile të Milanos për të bllokuar shitjen e AC Milan, por më pas hoqën dorë nga kërkesa paraprake duke pranuar se shitja kishte përfunduar tashmë në fund të gushtit.
SHKAQET - Në apel, luksemburgasit
u ankuan, ndër të tjera, se “nuk mundën të merrnin asnjë informacion mbi shitje e klubit, për të cilën ishin drejtpërdrejt të interesuar” dhe folën për një transaksion “të dyshimtë”. Avokatët e “Blueskye” patën shpjeguar jo më larg se nëntori i kaluar se
klubi kuqezi ishte nën një procedim, i nisur gjithashtu nga vetë ata kundër fondit “Elliott”, për një kapitull të shitjes, veçanërisht atë të kolateralit (pengut). Në të vërtetë, “Blueskye” ka ngritur që më 9 shtator këtë padi, e cila kërkonte “verifikimin e pavlefshmërisë
së heqjes dorë” nga koltareali “ekzistues në favor të projektit ‘Redblack’”, një kompani automjetesh e krijuar në vitin 2017 për operacionin e investimit në Milano dhe në të cilën në atë kohë u bë pjesë edhe “Blueskye”. Ndërkohë, në Luksemburg ishte hapur një tjetër procedim me kërkesë nga “Blueskye” për anulimin e marrëveshjes që kishte çuar në shitjen e Milanit. Dhe një padi ishte ngritur gjithashtu në Nju Jork, me në epiqendër dokumentacionin e kërkuar nga “Blueskye” kundrejt fondit “Elliott”.