30 ditë kohë për apelim, ja si do të mbrohet “Zonja”

Në orët në vijim Juventusi sigurisht që do të paraqesë një apel (nga sot ka 30 ditë për ta bërë) në Bordin e Garancive Sportive në “CONI” (Komiteti Olimpik italian) të kryesuar nga Gabriela Palmieri Sanduli. Kjo nuk është një shkallë e tretë e vërtetë e drejtësisë jashtë sferës së federatës së futbollit, por një prononcim për ligjshmërinë dhe jo për faje. Çfarë do të thotë? Se detyra e gjyqtarëve të këtij lloji do të jetë verifikimi i shkeljeve të mundshme të të drejtave të mbrojtjes, defekteve formale apo interpretimeve devijuese të Kodit të Drejtësisë Sportive. Në rastin e Juves, beteja ligjore do të përqendrohet në një çështje kohe dhe nenesh, teksa avokatët do të argumentojnë në ankim një shkelje brenda afatit maksimal (30 ditë) për rihapjen e gjykimit. Prokuroria dhe gjyqtarët e futën në proces mbi bazën e kundërshtimit të nenit 6, që parashikon përfshirjen e klubit në rast konstatimi të përgjegjësisë ligjore, teksa avokatet do të përmbahen në një nen tjetër për të kthyer situatën në favor të “Zonjës së Vjetër” duke u mjaftuar me “interpretim” të kodit (neni 4) dhe jo shkelje të tij. Sepse e vërteta është që një ligj për plusvalencat nuk ka. Nuk ka një organ që të saktësojë nëse pesha e kartonit të një futbollisti është kaq apo aq.

- Ndërkohë prokurori federal po kryen një tjetër hetim për të cilin ka kërkuar zgjatjen e hetimeve 40 ditë. Në këtë rast vihen në lojë dy manovrat e Juventusit me pagat dhe partneritetet e dyshimta me klube të tjera, të evidentuara edhe nga letrat e dërguara nga prokuroria publike e Torinos në federatën e futbollit. Këtu afatet janë më të gjata dhe për referime të mundshme duhet të presim muajin prill.