Bajrami kalon te Sasuolo: I lumtur për këtë zgjedhje
Nedim Bajrami është fu tbollisti më i ri i Sasuo los. Fantazisti i Kombëtares shqiptare u transferua nga Empoli për shifrën e 6 milionë eurove, me formulën e huazimit, por me të drejtën e blerjes nëse arrihet një numër ndeshjesh i caktuar. Bajrami ka firmosur dje në Milano, kontratën me klubin e ri dhe pas takimit ka konfirmuar gjithçka për "TMW" me disa fjalë të shprehura shkurtimisht. "Gjithçka është në rregull, jam i lumtur dhe do të nis nesër (sot) me skuadrën e re", thotë Bajrami, i cili pyetet edhe për raportet me trajnerin Dionisi, me të cilin do të ribashkohet. "Po, patjetër, kam folur me të, jam i lumtur që do ta gjej aty. Gjithashtu kam folur edhe me Pinamontin, me të cilin kam luajtur sezonin e kaluar në një ekip", përfundon blerja më e re e Sasuolos.
Empoli-mesfushori, ndryshe nga sezoni i kaluar kur në stolin e Empolit ishte Andreacoli, këtë vit me ardhjen e Paolo Zanetit në stol, nuk shihej si një lojtar titullar, edhe pse është aktivizuar në pothuajse të gjitha ndeshjet. Në merkaton e verës, kur Bajrami kishte përfunduar një sezon shumë të mirë dhe disa klube të mëdha interesoheshin për të, si Milani apo Napoli, toskanët e Empolit pretendonin minimumi 10 milionë euro, por tashmë situata ishte komplet ndryshe. Fantazisti nuk kishte atë shkëlqimin e vjetshëm në këtë pjesë të parë të kampionatit, duke shënuar vetëm një gol dhe Empoli është kënaqur me gjashtë milionë euro të derdhura nga klubi që pak ditë më parë "shkërmoqi" në "San Siro" 2-5 Milanin. Ndërkohë, sa i përket renditjes, Sasuolo renditet gjashtë vende poshtë Empolit të vendit të 10-të. Sa u përket shqiptarëve tek ekipi toskan, pas Asllanit, largohet një tjetër lojtar dhe tani ka mbetur mbrojtësi Ardian Ismajli dhe "Dardani" Samir Ujkani.
SASUOLO-SKUADRA zigjelbër që prej vitesh ka dhuruar një futboll të bukur në Serinë A, këtë sezon është në pozita të vështira, por sa i përket organikës, ajo është e pasur. Firma me Bajramin ka ardhur si pasojë e një efekti "domino" në merkato, që është nisur me dështimin e blerjes së Nikolo Zaniolos nga Bornmëth, me këta të fundit që firmosën me Traoren e Sasuolos që zëvendësues gjetën Nedim Bajramin. Mesfushori qëndroi për dy vite e gjysmë tek Empoli duke luajtur në total 127 ndeshje dhe shënuar 22 gola dhe po aq asiste.