Zaniolo mbetet verdhekuq, oferta për Ozorion nuk i kënaqi kilianët
Nikolo Zaniolo është lënë jashtë skuadrës te Roma, teksa dje ka hequr nga profili personal në “Instagram” njoftimin se është lojtar verdhekuq. Krisja mes palëve është e pashërueshme dhe ai do të kalojë 5 muajt në vijim duke u stërvitur me shokët (në rastin më të mirë), por pa mundësinë për të luajtur. Sipas raportimeve, në fakt nga faqja e “Sportitalia”, agjenti i Zaniolos, Klaudio Vigoreli ishte dje në Milano. Qëllimi për ta transferuar te Milani kishte perënduar me kohë, ndaj martesa mund të ndodhë në verë, sepse 23-vjeçari dëshiron shumë “Djallin”. Kjo ka
qenë tema e diskutimit mes palëve, teksa për Zaniolon pati tentativa nga Lidsi dhe Lajpcigu për ta marrë në huazim. Akordi dështoi pasi Roma dëshiron ta shiste në mënyrë përfundimtare.
OZORIO - Sipas asaj që raportohet nga “alairelibre.cl”, portal
kilian, oferta prej 5.5 milionë eurosh plus 30% për një rishitje të ardhshme të Milanit për Dario Ozorio nuk e kënaqi Universidad de Chile, skuadrën që zotëron lojtarin. Kjo ka bërë që kuqezinjtë të mos përmirësonin ofertën e tyre me anësorin që do të mbyllë sezonin në atdhe.
Në mesnatë Zaniolo e pranoi, ja si Bërnmëthi mori hak
Nikolo Zaniolo rrezikon të kalojë gjysmën e mbetur të sezonit i izoluar te Roma. Në fakt, dje në të gdhirë lojtari kishte pranuar Bërnmëthin, por anglezët zgjohen të merrnin Traorën e Sasuolos. Lojtari priti deri në momentin e fundit Milanin, por 22 milionë eurot që kampionët e Italisë i ofruan Romës nuk përbënin ofertën e duhur, ndaj edhe fantazisti do të kalojë 5 muajt më të pazakontë të karrierës. Sidomos për një lojtar të nivelit të tij.