Godet Arsenali, Zhorzhinjo “Topçi”
Kryesuesit e Premier Ligës s’arritën dot te Kaisedo, firmosën me mesfushorin e Çelsit 31-vjeçari nënshkruan kontratë 18-mujore me opsionin për ta rinovuar edhe për 1 vit
Arsenali e ka mbyl lur merkaton e ja narit me një goditje të rëndësishme në mesfushë. Nuk është Moises Kaisedo, mesfushori i Brajtonit, për të cilin ata bënë dy oferta (e fundit 70 milionë paund), por “Pulëbardhat” rezistuan deri në fund, duke thënë se pretendonin 80 milionë paund, përndryshe ai nuk ishte në shitje dhe iu rikthyen pistës “Zhorzhinjo”, të cilën e mbyllën me sukses. Mesfushori i Çelsit, i cili ishte në 6 muajt e fundit të kontratës në “Stamford Bridge” dhe nuk kishte asnjë sinjal rinovimi, firmosi me “Topçinjtë” një kontratë 18-mujore, me opsionin për të rinovuar edhe për një tjetër vit. Kryesuesit e Premier Ligës paguan vetëm 12 milionë paund për kartonin. Zhvendosja e fokusit te 31-vjeçari ishte Plani B i Arsenalit, ndërsa Arteta tentoi ta transferonte yllin e kombëtares italiane edhe në merkaton e verës 2020, një vit përpara se ai të triumfonte në Champions me Çelsin dhe Europian me Italinë. Arteta ishte ndihmësi i Guardiolës në stolin e Mançester Sitit në vitin 2018 kur “Qytetarët” tentuan ta transferonin, por Zhorzhinjo i refuzoi, duke zgjedhur Çelsin e ish-trajnerit të tij te Napoli, Mauricio Sarrit. Zhorzhinjo u transferua në Londër në vitin 2018 për 50 milionë paund. Ai luajti 213 ndeshje për blutë, ku shënoi 29 gola dhe regjistroi 9 asiste. Por kohët e fundit Zhorzhinjo ka vuajtur, ndërsa skuadra e tij renditet në vend të 10-të në Premier Ligë. Në “Emirates” ai do të mbajë numrin 20, i cili ishte mbajtur për herë të fundit nga
Nunjo Tavareshi, aktualisht i huazuar te Marseja. Mesfushori i lindur në Brazil shton kështu opsionet në mesfushë për Arsenalin, duke ofruar më shumë oksigjen për Granit Xhakën dhe Tomas Partejn, ndërsa dje klubi mësoi edhe lajmin e keq të mungesës së
gjatë të Mohamed Elnenit. Çelsi nuk kishte hapur asnjë negociatë për rinovimin e kontratës së lojtarit, i cili fitoi Ligën e Kampioneve, Superkupën e Europës, Botërorin e Klubeve dhe finalen e Ligës së Europës kundër Arsenalit në sezonin 2018-‘19.