Alegri: Di Maria më tërboi...
Trajneri i Juves analizon fitoren: Me Lacion asnjëherë e lehtë, por e merituam “Më pëlqyen shumica, por tani kokën te Salernitana, është duel mbijetese”
Të gjithë bënë një ndeshje të mirë dhe mendoj se ndaj Lacios hodhëm bazat e forta për një rinisje pozitive në kampionat. Të martën kemi duelin me Salernitanën dhe nuk na lejohen absolutisht gabimet, pasi është një sfidë për mbijetesë, atë që përfaqëson aktualiteti dhe realiteti ynë. Kështu që bëjmë mirë ta harrojmë këtë fitore, por jo mënyrën se si luajtëm dhe madje edhe mund të përmirësohemi”. Masimiliano Alegri është i lumtur për arritjen në gjysmëfinale e Kupës së Italisë, por ndërkohë ka edhe disa rezerva në mënyrë individuale për një prej kampionëve të tij. “Po, Di Maria më tërboi në fund, duke më bërë që të lë fushën e lojës përpara vërshëllimës së arbitrit. Në ato momente, topi duhet menaxhuar, jo të tentohet porta nëse nuk ke garancinë për gol dhe t’i japim një tjetër shans kundërshtarit. Ndaj, këto situata Di Maria t’i menaxhojë më mirë. Ndërkohë, për sa u përket të tjerëve, mendoj se Vlahoviç bëri disa gjëra pozitive, por është ende mbrapa fizikisht. Ndërkohë që Kuadrado ishte fenomenal dhe Lokateli aty në mesfushë po shndërrohet një shembull të asaj që një lojtar duhet të bëjë në atë rol”.
KAPITULLI POGBA –
Për sa i përket momenti të skuadrës, e cila përveç se ka humbur vazhdimësinë, po vazhdon që të përndiqet edhe
nga dëmtimet e njëpasnjëshme, Alegri shprehet: “Nuk e di nëse është momenti më i vështirë i karrierës sime, por duhet ta jetojmë gjithsesi në mënyrën më të mirë të mundshme. Duhet të mundohemi të japim më të mirën, sepse është një detyrë që e kemi kundrejt klubit dhe mbi të gjitha ndaj tifozëve tanë dhe vetes sonë. Të dorëzuar për Pogbanë? Jo, dorëzim nuk duhet të jetë. Na vjen keq, sepse mendonim se mund ta kishim Polin në dispozicion, në mënyrë që ai të shtonte minuta të rëndësishme në këmbët e tij dhe ta kishim në formë për
pjesën e mbetur të kampionatit dhe Ligës së Europës. Por fatkeqësisht, kur një lojtar vjen nga 6-7 muaj pa aktivitet është normale që të vazhdojnë shqetësimet. Duhet të kemi edhe pak durim, pasi ai po punon që të jetë sa më shpejt që të jetë e mundur në fushë me ne, por fatkeqësisht ka gjithmonë diçka që e penalizon. Të shohim ditët e ardhshme sesi do të evoluojë, ndonëse nuk bëhet fjalë për një dëmtim serioz. Jemi të detyruar të notojmë dhe të vazhdojmë të qëndrojmë në sipërfaqe me çdo kusht”, bëri mbylljen e tij trajneri bardhezi.