Nagelsman: Kanselo veproi saktë që nuk më dëgjoi udhëzimet
Takimi ndaj Maincit, i vlefshme për raundin me eliminim direkt, do të merrte nuancat e një finaleje të vërtetë në kampin e bavarezëve, aty ku fitorja shikohej më shumë sesa obligim. Rezultati final do t'u jepte të drejtë legjendave gjermane si Mateus apo Rumenige se Bajerni do të rikthehej shumë shpejt në rrjedhën normale. Gjithsesi, episodi i golit të parë do të prezantonte skenë të çuditshme, mbi perceptimin që është krijuar ndaj personalitetit të Nagelsmanit, si trajner jo i kompromiseve dhe i dorës së hekurt ndaj çdo lojtari që nuk jep më të mirën apo krijon situata të pakëndshme në dëm të grupit.
"KOKËFORTËSIA" E Kanselos-konkretisht
në sfidën aktuale, 35-vjeçari do të udhëzonte Kanselon të dërgonte topin mbrapa në rastin e golit të parë, por luzitani nuk e dëgjoi këshillën e trajnerit të tij dhe vazhdoi me manovrën e sulmuesit, ku pikërisht topi i dërguar drejt Çupo-moting do të hapte serinë e golave për të tijtë.
REAGIMI I TRAJNERIT"MË
vjen mirë që nuk e realizoi në fushë udhëzimin tim. Nuk mërzitem pasi gjithçka u mbyll më konkretizim nga ana jonë. E përgëzoj Zhoaon për guximin e treguar", ishin fjalët e Julianit pas përfundimit të
duelit. Këtij "teatraliteti" bavarez nuk i shpëtoi as Bastian Shvajnshtaiger.
SHVAJNSHTAIGER"PËRGËZIME
Kanselo, e nise aventurën me këmbën e duhur, duke e lënë edhe trajnerin me gisht në gojë". Gjithsesi, kjo nuk është e gjitha. Para startimit të përplasjes me Maincin, Nagelsman kishte theksuar se futbollistët e tij kishin kryer një mbledhje pa praninë e tij dhe kishin diskutuar se çfarë nuk po shkon
mirë. Por kur Kimish u pyet rreth kësaj skene ai i mohoi zërat e tillë. Juliani do t'u vinte vulën dilemave të tilla, sigurisht me disa zbukurime: "Djemve u la lirinë të bisedonin dhe të kishin të drejtën e fjalës pa ndërhyrje, unë thjesht qëndrova aty pa u ndier". Prezantimi në fjalë na jep një tablo plot dilema, nëse tekniku i klubit më të titulluar gjerman e ka humbur reputacion, e jo vetëm prej moshës së re...