Rregullat e ligës së veçantë të Pikesë

Nëse mendoni se jeta e Xherard Pikesë është bërë më e mërzitshme pas largimit nga Barcelona, apo pas ndarjes nga bashkëshortja e tij, Shakira, kjo nuk është aspak e vërtetë. Ish-mbrojtësi i Barcelonës ka gjetur mjaft stimuj të tjerë e që kanë lidhje me futbollin. Kjo jo vetën për faktin se ai është presidenti i klubit FC Andorra. Por ai po bën gjithnjë e më shumë bujë me kompeticionin më të ri të krijuar prej tij, që në Spanjë njihet si "Kings League". Ky është një kampionat futbolli meqë luhet me 7 futbollistë dhe ku rregullat i kanë vendosur vetë tifozët. Presidentët e këtyre skuadrave, apo drejtorët sportivë, janë personazhe të famshëm. Çdo skuadër përbëhet nga 12 lojtarë, nga të cilët 10 janë standard dhe dy të tjerë mund të ndryshohen vazhdimisht dhe që mund të plotësohen vetëm nga futbollistë profesionistë.

SKUADRAT - Në turneun e pagëzuar me emrin "Kings League" marrin pjesë 12 skuadra, secila e përbërë nga 12 lojtarë sipas stilit të NBASË në basketbollin profesionist në SHBA. Ndër ta, 10 lojtarë janë ata të zakonshmit, le të themi, pa ndonjë "background" futbollisti, ndërsa dy vende të tjera në skuadër janë të rezervuara për dy lojtarë ose ishlojtarë profesionistë.

KAMPIONATI - Është i formuar nga 12 skuadra, që përballen mes tyre në ndeshje teke. Në përfundim të sezonit të rregullt, vijojnë garën për më tej 8 skuadrat e klasifikuara në vendet nga 1 deri në 8 dhe që më pas ndeshen në takime me eliminim direkt.

FILLIMI I NDESHJES - Një nga ndryshimet nga futbolli që jemi mësuar të shohim është se në "King League" nuk ka nisje topi nga skuadrat. Topi vendoset në mesin e fushës dhe lojtarët e të dyja skuadrave rreshtohen në fundin e gjysmëfushës së tyre dhe vrapojnë për të kapur topin me të dëgjuar fërshëllimën e gjyqtarit!

NUK KA BARAZIME

- Barazimi nuk ekziston në "Kings League". Në rast se takimi përfundon me shifra të barabarta, fituesi i ndeshjes vendoset nga "shootout" ose ndryshe penalltitë.

BONUSET - Çdo skuadër ka nga një "kartë bonusi" që mund ta përdorë në çdo moment të ndeshjes. Këto "karta bonusi" janë 6 dhe kanë efekte të ndryshme: ndëshkimi me të verdhë i një kundërshtari sipas dëshirës; një penallti në favor; një "shoutout" në favor; 2 minuta, ku çdo gol vlen dyfish; vjedhja e "kartës bonos" të kundërshtarit dhe "xholi" ku mund të zgjedhësh një nga 5 efektet e mësipërme. PREMIO E FITUESIT: Një "Renault Twingo", makina që ironizoi Shakira në këngën e saj më të fundit.