Partizani shumë i fortë për Vllazninë, 0-3 në Shkodër
Partizani e rifillon aty ku e kishte lënë, duke regjistruar fitoren e tetë në Superligën e volejbollit të femrave, për ta nisur me këmbë të mbarë fazën e dytë të kampionatit. Të kuqet e trajnerit turk Hakki Ertan Albayrak, ashtu sikurse edhe pritej, nuk e patën aspak të vështirë transfertën në Shkodër përballë Vllaznisë, nga e cila dolën me fitoren e pastër 03 në një takim që zgjati rreth 70 minuta. Një ndeshje e kontrolluar nga kryeqytetaset gjatë të gjithë kohës. Partizani e startoi sfidën me ritëm të lartë, duke e treguar superioritetin që në setin e parë, të cilin e fitoi thellë 1425. Edhe seti i dytë foli tërësisht për miket, ndërsa Vllaznia, tashmë me një ekip tërësisht vendorë, e kishte të vështirë të mbante ritmin e kundërshtareve. Kështu edhe fraksioni i dytë fitohet bindshëm 17-25 nga Partizani,
ashtu sikurse edhe seti i tretë i mbyllur 20-25. Me këtë sukses Partizani shkon në kuotën e 24 pikëve në kampionat, duke i forcuar edhe më tepër pozitat në vendin e parë me pikë të plota, ndërsa nga ana tjetër Vllaznia mbetet e katërta me 4 fitore dhe po kaq humbje. Duke kaluar te paraqitjet individuale, rendimentakimeve
tin më të lartë në sulm në këtë takim për Partizanin e kishin Joana Kushi dhe Enkeleda Braho, të cilat realizuan përkatësisht 15 dhe 12 pikë. Të kuqet presin në ditët në vijim edhe mbërritjen e dy blerjeve të merkatos së dimrit, amerikanen Jada Burse dhe kubanezen Regla Flavia Martinez Ortiz. Për sa i përket të tjera, java e tetë do të kompletohet sot me tri përballjet e mbetura, Korabi-barleti dhe Lushnja-teuta, të cilat do të luhen në Farkë, ndërsa sfida e fundit do të jetë në orën 17:00 në “Farie Hoti”, me Tiranën që pret Skënderbeun, skuadra këto, finaliste të kampionatit të kaluar.