Nga çipi i Galianit te besëtytnitë, sa kuriozitete në derbi
Derbi i Milanos fsheh pas tij një sërë kuriozitetesh, që pak herë i kemi dëgjuar, nga besëtytnitë e protagonistëve te truket e përdorura. Një rol të veçantë e ka Adriano Galiani, ish-administratori i deleguar i Milanit, që me vizionin e tij kishte kërkuar që para 30 vitesh instalimin në top të një çipi, ajo që sot njihet si teknologjia e vijës fatale që akordon ose jo golat.
ALBERTININËFOTONEHATLEIT - Nëse zmadhohet fotoja e famshme, në të cilën Mark Hatlei shkëputet nga Fulvio Kolovati në derbin e 28 tetorit 1984, në sfond do të shohim një fëmijë të veshur me uniformën e klubit që duket si një pikë kuqezi në oqeanin e “San Siro”-s. Ishte Demetrio Albertini, që nuk vonoi për të bërë debutimin me skuadrën e parë.
BESËTYTNITË – Nga biskotat e Pipo Inzagit të ruajtura në çantën e tij, te kravatat e verdha të Adriano Galianit, ashtu si fjalëkryqet e Pepino Priskos të fshehura në xhepin e palltos, të gjithë kanë pasur zakonet e tyre gjatë derbit. Të tjera kuriozitete lidhen me Lidholm që i drejtohej magjistarit Mario Maxhi, ndërkohë që Sandro Macola shkoi të lutej te Don Bomba, mësuesi i tij i vjetër i fesë.
LIMONI I LORENCIT – Tetor ‘57, penallti në favor të Milanit. Benito Lorenci, i njohur si “Helmi”, në një nga një mijë truket e tij gjatë derbit, vendosi në mënyrë të fshehtë një lëvore limoni te pika e bardhë. Lojtari i Milanit, Kukiaroni, pavarësisht paralajmërimeve të tifozëve, goditi dhe dërgoi topin në tribunë.
DERBI I PARË NË MBRËMJE Kuqezinjtë mundën Interin 2-1 në një “San Siro” me dritat e ndezura për herë të parë më 20 mars 1994. Skilaçi shënoi për Interin para se të transferohej në Japoni.
KONCERTI PARA DERBIT - Derbi i 23 qershorit 1985 është ai në të cilin derbi luhet dy ditë pas koncertit të parë italian të Brus Springstin: “Kur kënduam ‘Born in the USA’, stadiumi dridhej dhe lëkundej. Ndihej si fundi i botës”. Dhe kjo tregon shumë për klimën atje. Do t’i sjellë fat Milanit: 2-1, golat e Virdis dhe Andrea Ikardit.
ÇIPI NË TOP - Galiani “shpiku” teknologjinë e golit në vijën e portës më shumë se tridhjetë vjet më parë. Prill 1989, e mbyllur 0-0: e vetmja dridhje e rëndësishme është gjuajtja e Ançelotit me këmbën e djathtë nga jashtë që godet traversën dhe kalon vijën. Arbitri thërret topin jashtë, por në fakt ai është brenda. Galiani në fund të lojës do të propozojë futjen e një çipi brenda topit. Vizionar.
FAMILJA AKILI - Maldinët? Jo, këtë herë vendin në rreshtin e parë e zënë Akilët, Kamilo dhe Marko, e vetmja familje që ka shënuar në një derbi të Milanos. Të dy me fanellën e Interit, babai mesfushor ndëshkoi Milanin më 1946, ndërsa djali sulmues, shënoi më 1968.
SËRFISTI KOMANDINI - Pas dy golave në derbin e fituar 6-0, u tërhoq nga futbolli 28 vjeç dhe tashmë ka zgjedhur sërfin si të tashmen e tij. Nuk mendon më për dopietën, por kuqezinjtë e mbajnë mend mirë.