Zaniolo pranë Gallatasarait, Pelegati: Është i Milanit në verë
Nikolo Zaniolo është pranë kalimit në Turqi ku merkatoja mbyllet nesër mbrëma, 8 shkurt. Për fantazistin e Romës interesohet Gallatasari që i ka propozuar një kontratë deri në fund të sezonit me mundësi blerjeje. Madje thuhet se janë programuar vizitat mjekësore dhe fluturimi drejt kryeqytetit turk. Në orët e fundit në garën për shërbimet e 23vjeçarit është përfshirë edhe Fenerbahçe, por gjasat janë që Zaniolo të luajë me verdhekuqtë stambollas. Sidoqoftë e pavarësisht formulës së huazimit, lojtari në verë mund të kalojë te Milani. Për këtë është i bindur Karlo Pelegati, gazetari i njohur italian, që gjatë gjithë karrierës ka qenë i lidhur ngushtë me ngjyrat kuqezi. “Unë mendoj se Zaniolo do të shkojë te Milani në qershor”, ka thënë Pelegati, i cili ka risjellë në kujtesën e të gjithëve edhe bisedimet e pak javëve më parë kur fantazisti bëri gjithçka për t’u veshur kuqezi.
LIDHJA – Te Roma janë të gjithë të zhgënjyer me sjelljen e Zaniolos. Që nga tifozët që e kërcënuan dhe e ndoqën për një konfrontim, te klubit. Në mes Zhoze Murinjo që e lejon të stërvitet me grupin, por vështirë se mund ta përfshijë në skuadër, pavarësisht se e ka futur në listën e verdhekuqve për ndeshjet në Europë. Situata është e tendosur e duhet gjetur një marrëveshje deri në fund të sezonit. Milani ishte gati t’i ofronte kryeqytetasve 22 milionë euro, teksa lojtari pranonte të mbante si rrogë 2.2 milionët vetëm për Milanin. Roma nuk pranoi, por në verë kushtet janë të destinuara të ndryshojnë pasi lojtari futet ne vitin e fundit të kontratës.