NOTAT E JUVES
SHEZNI 6: pagesë.
DANILO 6.5: Mbrojtja nuk vuan thuajse kurrë, pasi këtë herë kapiteni ofron siguri dhe nuk gabon asgjë.
BREMER 6.5: Kontrollon Piontekun dhe fiton çdo duel ajror. Nuk nevojitet më shumë se kaq.
SANDRO 6.5: Kandreva nuk "ndez" kurrë dhe për brazilianin ishte një mbrëmje relaksi.
DE SHILJO 6: Gjen hapësirë në të djathtë dhe ishte ai që ofroi rrezikun e parë, me një krosim perfekt për kokën e Vlahoviçit, që nuk përfiton. Ndeshje e lehtë për t'u administruar. Në të 79-ën Iling (pa notë).
MIRETI 6.5: Një lëvizje e tij zhbllokon ndeshjen, një mësymje në zonë e shpejtë detyron Kaviljan që t'i shkaktojë një faull për 11metërsh që Vlahoviç nuk e gabon. I pafat në rastin e dëmtimit.
Në të 43-ën Faxholi (nota 6.5), i cili mund të jetë fari i ardhshëm i mesfushës së Juves, siç tregoi me asistin për golin e tretë të ndeshjes, shënuar nga Vlahoviç. I zgjuar, i saktë dhe altruist. Cilësi prej lideri!
LOKATELI 6.5: Kishte rastin për të ngrirë rezultatin në fund të pjesës së parë dhe tri pikët, por Oçoa e mbyll në dalje. Luan përpara mbrojtjes dhe pikturon gjeometri të rëndësishme, por edhe Salernitana ia bëri të lehtë punën.
RABIO 6.5: Rrezikon dy të verdhë brenda pak minutave, por më pas rritet me kalimin e kohës, duke ofruar cilësi e sasi si në mbrojtje, ashtu sikurse në sulm.
KOSTIÇ 6.5: I akullt në shënimin e 2-0, duke shfrytëzuar asistin e rastësisht të Vlahoviç. Salernitana u zgjat shumë mes reparteve pas disavantazhit, duke i lënë autostradë bosh serbit, që i shfrytëzoi, por mungoi shpesh në saktësi, në momentin final. Në të 62ën Kuadrado (nota 6), me kolumbianin që hyn kur ndeshja ishte mbyllur. Ofroi disa shpërthime, por asgjë më shumë se kaq.
DI MARIA 7: Dy nivele sipër të tjerëve. Bën çfarë të dojë me topin në këmbë, iluminon aksionet bardhezi me goditje klasi. Golin e merituar ia mohon vetëm traversa.
të 62-ën Kieza (nota 6), i cili kërkoi dëshpërimisht golin, por edhe asistin për Kenin, që goditi shtyllën
VLAHOVIÇ 8: Juvja rigjeti bomberin e saj dhe menjëherë muzika ndryshoi. Serbi hyn menjëherë në ritëm loje dhe goli i parë e zhbllokon për të luajtur i qetë, derisa erdhi edhe dopieta personale, pa harruar edhe asistin "pa dashje" për Kostiç. Kirurgjikal kur godet në diagonale, si në rastin e 3-0. Në të 79-ën Ken (nota 6.5), i cili menjëherë godet shtyllën, duke konfirmuar se është në një moment magjik dhe ndoshta është pak që ta përdorësh vetëm si rezervë në këtë moment.
TRAJNERI ALEGRI 7: Ndoshta ndeshja më bindëse e të gjithë sezonit. Juvja më në fund u pa konkrete dhe cinike, kur përveç mbrojtjes bunker mbylli shpejt çështjen e tri pikëve. Mesa duket, rikthimi i lojtarëve të rëndësishëm frymëzon edhe idetë e Alegrit.