Mungon sulmuesi i momentit, Tetova: E kemi si finale në Laç
Emergjencë në sulm tek Egnatia para sfidës së sotme në Laç, që do të luhet në orën 13:00. Lojtari më në formë, Rafael Duamena, është dëmtuar dhe do të mungojë, ndërsa në dyshim të madh mbetet sulmuesi tjetër, lituanezi Gytis Paulauskas, i cili ka munguar në stërvitje për shkak të gjendjes gripale. Këtë e ka konfirmuar për “Panorama Sport” trajneri Edlir Tetova, i cili duke folur për rëndësinë e ndeshjes në Laç, theksoi se për rrogozhinasit është si një finale. Interesant është fakti se Egnatia i ka fituar të dyja ndeshjet e këtij kampionati, duke pasur një bilanc fantastik kundër kurbinasve.
Edlir, sot do të luani në Laç. Çfarë ndeshjeje prisni?
Çdo kundërshtar për ne vlerësohet maksimalisht. Në këtë moment ku ndodhemi, për Egnatian çdo ndeshje konsiderohet si finale.
A ka diçka që ju shqetëson në prag të kësaj ndeshjeje?
Është i pamundur për të luajtur sulmuesi Rafael Duamena, i cili ka pësuar një dëmtim. Në pikëpyetje është edhe lituanezi Paulauskas, për shkak se ditët e fundit ka qenë në gjendje gripale.
Kur do të vijë debutimi mbrojtësit Hysen Memolla?
i
Me Memollën kemi diskutuar në çdo moment dhe ai nuk ndihet ende i gatshëm për lojë. Por, kemi menduar një hapësirë të vogël, qoftë kjo edhe disa minutëshe për ndeshjen në Laç. Fakti që në dy fazat e para Egnatia ka marrë pikët e plota ndaj Laçit, ua shton besimin se do të vijoni me fitore?
Po, vërtet kemi marrë pikët e plota, por tani Laçi po kalon një formë të mirë, që e rrit për ne shkallën e vështirësisë. Do të mundohemi të bëjmë më të mirën, ashtu siç bëmë në dy fazat e para.
Vetëm pas dy javësh me Laçin do të diskutoni edhe çerekfinalen e Kupës së Shqipërisë... Shorti i Kupës na ka vendosur përballë Laçit, por më parë do të jemi
të përqendruar te ndeshja e sotme për kampionatin. Pa diskutim kur të jetë momenti i duhur do të fokusohemi edhe te dy ndeshjet e Kupës, të cilat kanë specifikë më të veçantë, sepse aty nuk vlejnë pikët për kualifikimin. Ne nuk e fshehim se do të kemi pretendimin tonë, duke këmbëngulur shumë të shkojmë në gjysmëfinale.