Tifozë me pikatore, rrogozhinasit “të fashuar”
"Panorama Sport" ju sjell disa nga pikantet e ndeshjes së javës së 21-të mes Laçit dhe Egnatias, e përfunduar me fitoren minimale të rrogozhinasve, falë golit të shënuar nga Paulauskas.
*Prani e ulët tifozësh në stadiumin e Laçit, rreth 300. Vetëm rreth 50 tifozë të kurbinasve ishin vendosur në tribunën përballë në stadiumin e kurbinasve, teksa prania e diellit eliminonte të ftohtin e këtyre ditëve të fundit. Në cepin e djathtë të tribunës përballë dalloheshin vetëm shtatë tifozë të skuadrës së Tetovës, teksa në tribunën kryesore ndodheshin rreth 30 tifozë të ardhur nga Rrogozhina. *Egnatia kishte shkuar "e fashuar" Laç, ku tre lojtarë të skuadrës së Tetovës ishin me fasha në pjesë të ndryshme të trupit. Atanda e kishte të vendosur në dy prej gishtave të dorës së tij të djathtë, Redi Kasa gjithashtu kishte fashuar dorën e djathtë, ndërkohë që edhe Musta kishte fashuar kyçin e dorës së majtë për shkak të një problemi.
*Në minutën e 32-të të ndeshjes, pas një faulli të fituar, Agpekpornu dhe Musta shihen të komunikojnë gjatë me njëri-tjetrin, teksa më pas e bëjnë këtë edhe me shenja. Fakti që lojtarët gjatë gjithë ndeshjes ishin shumë bashkëpunues dhe e ndihmonin njëri-tjetrin në çdo moment, ishte një faktor i rëndësishëm në rrugën për të mbërritur te kjo fitore shumë e rëndësishme në një fushë mjaft të tensionuar.
*Përveç portierit Alen Sherri, i transferuar nga Laçi tek Egnatia në verën e shkuar, lojtarë të rrogozhinasve, që kanë luajtur më parë edhe me Laçin, janë Renato Malota, Emiljano Musta dhe Abdurrahman Fangaj.