“Zgjohet” Lushnja, Pepa dhe Canka ndëshkojnë Tomorin
Boje përfundon në spital, Pinto s’i ngushëllon dot
Lushnja “zgjohet” pas 43 ditësh. Mund To morin në “Roza Haxhiu” dhe ka më shumë shpresë për mbijetesën. Ishin Canka me Pepën protagonistë të kësaj fitoreje, që erdhi në pjesën e dytë, e para nën drejtimin e Klevis Dalipit. Për beratasit shënoi Pinto në shtesë, por nuk i ngushëllon aspak. Pas kësaj transferte, kanë humbur një vend në renditje.
PJESA E PARË – Ndeshja nis në praninë e 800 tifozëve. Por shumë shpejt Lushnja vihet në vështirësi. Dobra ndërhyn ashpër ndaj Andonit. Fieraku e ka të vështirë të ringrihet dhe me ndihmën e mjekëve del jashtë vijës anësore për t’u mjekuar. Përkohësisht me 10 lojtarë, në minutën e tretë Lushnja fiton penallti. Samake rrëzohet në
zonë nga Çaço dhe kryesori tregon pikën e bardhë. Gjuan Canka, por topi prek shtyllën dhe përfundon jashtë. Në minutën e gjashtë kryhet zëvendësimi. Andoni nuk ia del dhe në vend të tij hyn Alushi. Loja vijon të jetë e fortë dhe e ashpër në momente të caktuara, por gola nuk ka.
PJESA E DYTË - Tomori është pranë avantazhit pas
pushimit. Rrezikon Emini, por Kaloshi kupton goditjen dhe pret në dy kohë. Momente paniku u regjistruan në të 50ën minutë. Klement Boje ka përplasur kokën në tokë në rënie e sipër, duke humbur ndjenjat. Menjëherë në fushë kanë hyrë mjekët dhe barela, më pas kërkohet autoambulanca për ta transportuar drejt spitalit “Ihsan Çabej”. Ndeshja
u ndërpre për afro 8 minuta, teksa Klodian Arbëri hodhi në fushë portierin e dytë, Renco Memlika. Rezultati do të zhbllokohet në minutën e 69-të. Alushi depërton nga e djathta dhe kroson në qendër. Topi i devijuar shkon te Pepa, që me kokë e shtyn drejt rrjetës. Avantazhi i jep krahë dhe pas 15 minutash gjen dhe golin e dytë. Top i gjatë i Cankës për Pepën, që avancon përpara duke pasuar për Maganin. Nga e djathta topi rikthehet sërish në qendër, pak prapa, ku Canka godet dhe çon trekëndësh topin. Në shtesë do të vijë edhe goli i Pintos, por që nuk e ngushëllon dot Tomorin.