Vasër: Makina më pëlqen, tani fokusi te shpejtësia

Në ditën e prezantimit të makinës se re SF-23 nuk mund të mungonte opinioni i drejtorëve teknikë, i Enriko Kardile si përgjegjës për pjesën aerodinamike dhe Enriko Gualtieri për motorin. “Makina e vitit 2023 nga pikëpamja e dizajnit është një evolucion i vitit të kaluar, edhe pse në realitet është ridizajnuar plotësisht. Nga pikëpamja aerodinamike, ne kemi rritur forcën vertikale, për t’u përshtatur më tej me rregulloret e reja dhe për të marrë karakteristikat e dëshiruara të ekuilibrit”, u shpreh ndër të tjera Kardile. Ndërsa Gualtieri u ndal te motori: “Jemi përpjekur të kuptojmë

Këtë sezon te Ferrari ka nisur epoka “Frederik Vasër”, me francezin që ka marrë vendin e Matia Binotos si shef i skuderisë nga Maranelo. Në ditën e prezantimit, nuk mund të mungonte as deklarata nga Vasër, i cili fillimisht foli për ambientin që ka gjetur te Ferrari: “Në pesë javët e fundit, që kur kam mbërritur këtu në Maranelo, kam pasur mundësinë të njoh shumë anëtarë të ekipit dhe mund të them se kemi një grup të madh njerëzish ku motivimi është shumë i lartë”, tha fillimisht 54-vjeçari, i cili më pas u ndal te makina: “Jemi gati të prezantojmë makinën tonë të vitit 2023 së bashku me partnerët tanë dhe në praninë e fansave dhe jam shumë i kënaqur me pamjen e makinës. Më pëlqen ngjyra e re e kuqe dhe logoja që na kujton historinë tonë. Së shpejti vëmendja jonë do të zhvendoset te shpejtësia dhe performanca”. Vasër foli edhe për pilotët dhe objektivat: “Ne kemi dy pilotë të talentuar, të dy të etur për të fituar dhe që zotërojnë aftësi për të arritur qëllimin e tyre për të fituar kampionatin. Sigurisht që nuk do të jetë një detyrë e lehtë, sepse rivalët tanë do të kenë të njëjtën vijë fundi. Duhet të ruajmë gjithmonë mentalitetin e duhur dhe të punojmë vazhdimisht për të qenë nesër më mirë se sot”, përfundoi Frederik Vasër, i cili zbarkon në Maranelo pas eksperiencës si drejtor i skuadrës Alfa Romeo në periudhën 2019-2022. shkaqet rrënjësore të problemeve që kemi hasur në pistë dhe duke përdorur të gjitha mjetet, të cilat kemi në dispozicion për t’i zgjidhur ato. Puna përfshinte të gjitha fushat, nga dizajni tek eksperimentimi për të provuar dhe testuar zgjidhje të reja në një kohë shumë të shkurtër. Ishte një përpjekje e jashtëzakonshme, që synonte përmirësimin e vazhdueshëm të komponentëve për të arritur nivelin e kërkuar të besueshmërisë”, deklaroi Enriko Gualtieri përgjegjës i “Power Unit” te Ferrari.