Koman Koman “fik” “fik” sërish sërish Parisin Parisin
Binomi “shahist” Nagelsman-kingsli prishi ëndrrën e francezëve
Kingsli Koman do të shtrinte sërish në tapet iluzionet e Parisit në Ligën e Kampionëve. Nuhatje e 27-vjeçarit ndaj parisienëve mbetet ende e fortë, pasi ai në 2020-ën i hoqi mundësinë për të fituar trofeun.
NDESHJA-”PARC des Princes” do të mbartte peshën e “teatrit” në skenën e Champions-it, aty ku dy superfuqi nga kontinenti i vjetër në spektrin e futbollit do të përplasnin brirët. Vendësit nuk do ta plotësonin majën e sulmit me tredhëmbëshin e ëndrrave, pasi Mbape do ta shijonte fraksionin e së parës pjesë nga stoli. Nagelsman do të vinte në këtë përballje me skemë surprizuese, e përkthyer me 3-4-2-1. Çupo-moting u vendos në vend të Mylerit, i mbështetur nga binomi Koman-musiala. Fillimi i sfidës do të shfaqej i vakët, ashtu si edhe tempi në pjesën e parë. Minuta e 20-të shënoi shkëndijat e para me protagonist Nejmarin, pasi Pavar e shtyu lehtësisht brazilianit në limitet e penalltisë, ndonëse për arbitrin Oliver nuk ishte asgjë serioze. Çastet nga fundi i kësaj pjese do të jepnin sinjale të vërteta, pavarësisht joefikase në kuadrat. Musiala - Çupomoting - Sane ndizeshin herë pas here me dalje të shpejta dhe duele ajrore, por që tentativa e Kimish do të vinte në provë seriozisht Donarumën. Pushimi do t’i kthjellonte idetë e Nagelsmanit, i cili do të kryente lëvizje prej “shahisti” me zëvendësimin e Kanselos me Alfonso Dejvis. Pikërisht anësori kanadez do të krosonte mjeshtërisht në zonën e rreptësisë me autorë Kingsli Koman. Francezi do të ndëshkonte sërish “Princërit”, ekzaktësisht në minutën e 53-të. Vazhdimi i lojës shfaqi një Bajern më të pjekur në menaxhimin e lojës, madje edhe rrezikimin e kuadratit rival. Xhamal Musiala u kthye në origjinë me driblimet e tij plotë klas, ndonëse pa konkretizim. Kilië Mbape ngrohi motorët në minutën e 57-të, e cila nënkupton inkuadrimin në fushën
e blertë. Shpejtësia e 24vjeçarit prezantoi një mbrojtje amatoreske nga djemtë e Nagelsmanit, kjo si meritë e talentit të Mbapesë. Goleadori i “Katar 2022” do të shërbente si indikator nxitës edhe për të tijtë, e përkthyer me volum me të madh rastesh. Presioni asfiksues i francezëve do të binte me avancimin e minutave dhe konsumimin e shpresave. Tomas Myler mund t’i kishte vendosur kapak
jo vetëm suksesit, por edhe kualifikimit, nëse tentativa e tij do të ishte menaxhuar më mirë në diagonalen e lëshuar drejt Xhixhit. Ligji i futbollit mund të vihej në jetë pas kësaj situate, kur Mbape konkretizoi 10 sekonda më vonë, pavarësisht se jo në pozicion të rregull, ashtu si edhe tentativa në frymën e fundit. Me këtë triumf rekordmenët janë thuajse me një këmbë në çerekfinale.