Fernando: Fernando: I I “djegim” “djegim” rivalët rivalët
“Jemi vërtetë shumë të huaj, por nuk shoh probleme. Fitojmë me Turbinën”
Një formacion me të huaj ka Flamur tari këtë sezon. Nëse dikush mendon se trajneri është futur në stres për të përzgjedhur 11-shen apo po krijohet vështirësi prej komunikimit, Fernando Armando këmbëngul për të kundërtën. Madje, ai këtë e quan pjesën më të bukur që kuqezinjtë kanë. Mund të fliten vërtetë 6 gjuhë të ndryshme, por kjo nuk i pengon për të luajtur. Gjatë një interviste të dhënë për “Panorama Sport”, një nga 8 brazilianët e vlonjateve, flet për këtë temë dhe jo vetëm. E pranon që gara po bëhet e ashpër, por paralajmëron se do t’i “djegin”
shumë shpejt rivalët.
Shumë luhatje në rezultate. Çfarë po ndodh me Flamurtarin?
E vërtetë, por jemi të angazhuar maksimalisht për të arritur rezultate të larta dhe futur në “korsinë” e pretendimeve tona. Situata në skuadër është pozitive dhe dëshira për të shkuar larg nuk mungon.
Jeni të tretët tashmë. E shikoni të vështirë kampionatin në vazhdim?
E dimë që do të jetë e vështirë, por kemi marrë masat. Jemi të bindur se do të bëjmë maksimumin tonë për të shkuar aty ku duam. Gara do të bëhet gjithnjë e më e fortë. Është një kampionat, i cili ka shumë rivalitet. Secila skuadër lufton për objektivat e vetë.
Ndeshja e radhës me Turbinën. Çfarë prisni?
Nuk do të jetë e lehtë, pasi kundërshtari rrezikon dhe do të luftojë për të marrë pikë. Por jam i bindur që do të fitojmë. Do të kemi mbështetjen e tifozëve tanë, ndaj do të bëjmë më të mirën. Do të marrim pikët e plota, nuk kam dyshime.
Jeni 11 të huaj në total në ekip dhe mes tyre janë 8 brazilianë. E shikoni problem këtë gjë për aktivizimin?
Në përbërje kemi futbollistë, të cilët vijnë nga vende të ndryshme, përfshi edhe Brazilin. Nuk do ta shikoja si problem, përkundrazi. Është luks për trajnerin që mund të zgjedh më të mirët. Ne jemi si një familje dhe të gjithë kemi një qëllim: të ngjisim Flamurtarin.
Çfarë premtoni personalisht?
Misioni im është i njëjtë me atë të klubit. Do të jap maksimumin, kaq mund të premtoj.
Si ndiheni në Vlorë?
Më pëlqen shumë qyteti dhe klima këtu. Familja ime ndihet shumë mirë dhe kjo më motivon gjithnjë e më shumë.