Babë e bir në sport, “rokadat” kanë nisur
Nga futbolli te makinat, sa shumë shkëmbime në... familje
Futboll, volejboll, For mula 1 dhe NBA. Emocionet që u ofrojnë tifozëve janë të mëdha, por çështja bëhet edhe më intime kur përfshin familjet. Disiplina të ndryshme kanë brenda tyre edhe histori familjare. Baballarë që largohen si legjenda dhe u lënë vendin fëmijëve. Akoma më bukur kur gjithçka ndodh në fushë. Rasti më i fundit është ai i Ibrahimoviçëve. Zlatani “braktis” për 30 minuta shokët e Milanit për t’i sfiduar me 18-vjeçarët e klubit ku luan djali i madh, Maksimilian. Histori identike për Felipe Melon. Mesfushori “i dhunshëm” që ka luajtur me Juven e Interin, u shkri i tëri kur zhvilloi stërvitje krah të birit. Më i privilegjuar, një tjetër brazilian si Rivaldo, ka mundur të luajë si profesionist me të birin Rivaldinjo. Në 1996 kombëtarja islandeze i ofron skenën familje Gudjonsen gjatë një miqësoreje me Estoninë. Del nga fusha Arnor dhe futet i biri Eidur, që do të arrinte kulmin e karrierës duke luajtur te Barcelona. Një tjetër ishkatalanas si Henrik Larsen detyrohet t’i rikthehet futbollit të luajtur 4 vite pas lamtumirës vetëm për të qenë në fushë krah të birit, Xhordan, në radhët e Hogaborgs. Babë e bir me të njëjtin emër si Aleksei Eremenkot. Të dy sulmues e të dy me një të kaluar te Leçe në Itali ku legjendë mbeten Maldinët. Në fillim Çezare e më pas Paolo, teksa një vit më parë edhe Danieli shijonte një trofe me Milanin. Basketbolli njeh Dino e Andre Menegin, por pret të njohë edhe Xhejmsët me Lebronin dhe Lebron Xhuniorin që shkruajnë një faqe të bukur të sportit në familje. Ashtu siç kanë bërë Jan e Kevin Magnusen, të cilët kanë garuar me makinë në Lë Mansh dhe Dajtonanan.