Interi s’pëson në shtëpi, Udineze specialiste e përmbysjeve

- Interi ka humbur vetëm një nga 10 ndeshjet e fundit kundër Udinezes në Serinë A (7 fitore, 2 barazime). Humbja është ajo e fazës së parë më 18 shtator. Friulanët nuk kanë fituar të dyja ndeshjet në kampionat përballë zikaltërve që prej 2012-2013-ës. - Interi ka fituar katër ndeshjet e fundit në shtëpi kundër Udinezes në kampionat dhe vetëm një herë ka arritur më shumë fitore të njëpasnjëshme në “San Siro” ndaj tyre, (pesë midis 1984 dhe 1989).

- Interi ka mbajtur portën e paprekur në dy ndeshjet e fundit të Serisë A, ndërsa me Simone Inzagin në stol ka arritur vetëm një herë të regjistrojë më shumë ndeshje radhazi pa pësuar (6 në nëntor-dhjetor 2021). - Shtatë nga tetë ndeshjet me porta të paprekura te Interi në këtë sezon janë regjistruar në shtëpi. Asnjë skuadër nuk ka pësuar më pas se Interi në shtëpi në këtë kampionat (5 gola në 11 ndeshje).

- Asnjë skuadër nuk ka shënuar më shumë se Interi në 30 minutat e para të ndeshjes në këtë kampionat (14 ashtu si Lacio), kurse nga ana tjetër, Udineze është skuadra që ka pësuar më shumë gola në 15 minutat e para (8).

- Udineze është skuadra që ka rikuperuar më shumë pikë, pasi është gjendur në disavantazh këtë sezon në pesë ligat europiane, 17, përfshirë ato tri pikë kundër Interit në shtator. - Lautaro Martinez ka shënuar të pestë golat e fundit të Interit në Serinë A. Lojtari i fundit i zikaltërve, që shënoi gjashtë gola radhazi pa ndërprerjen e një lojtari tjetër, ishte Alesandro Altobeli në 1983-in (7 radhazi në atë rast).

- Udineze është skuadra ndaj së cilës Edin Xheko ka fituar më shumë ndeshje në kampionat (12 nga 15 ndeshje). Boshnjaku ka shënuar katër gola kundër friulanëve në Serinë A (të gjithë me Romën 2016-2019).

- Që nga sezoni i kaluar, asnjë mbrojtës nuk ka shënuar më shumë gola (me përjashtim të penalltive) se Destini Udogi në pesë kampionatet kryesore europiane (8 sa Ashraf Hakimi).