Teuta nuk e lëshon kreun, Besëlidhja dhe Kamza OK
Lezhjanet dominojnë Vllazninë, kamzalinjtë thyejnë Tiranën
Superliga e basketbol lit të meshkujve ka lu ajtur të shtunën takimet e javës së 12-të. Teuta dhe Besëlidhja vijojnë serinë e fitoreve, teksa kaluan me sukses provat, përkatësisht ndaj Apolonisë dhe Vllaznisë. Ndërsa Kamza mundi Tiranën në një sfidë tepër të luftuar.
APOLONIA-TEUTA
Kampionët në fuqi kanë shënuar suksesin e radhës në kampionat. Gjithsesi, edhe pse doli me fitore nga transferta e luajtur në Vlorë, Teuta nuk e pati të lehtë ndaj Apolonisë, me skuadrën fierake që provoi deri në fund. Një ndeshje, e cila u mbyll me triumfin minimal 64-65 të durrsakëve të Melzin Lazimit. Ndonëse Teuta krijoi një epërsi prej 8 pikësh në minutat e para, Apolonia reagoi në fundin e periodës së parë, që përfundoi në ekuilibër 17-17. Çereku i dytë ishte disi më i mirë për bregdetarët, që fituan 12-15, duke shkuar në pushimin mes dy pjesëve me avantazhin 29-32. Edhe perioda e tretë u kontrollua nga durrsakët, të cilët fituan 1921, duke kryesuar 48-53 pas 30 minutash. Teuta shkëputet në +13 pikë kur kishin mbetur diçka me tepër se dy minuta nga sirena përfundimtare. Por kur dukej se suksesi i miqve ishte një formalitet, Apolonia fiton terren duke u afruar ndjeshëm, ndërsa një kosh 5 sekonda nga fundi për 3 pikë nga Whitfield i afron vendësit deri në 1 pikë. Gjithsesi, rezultati nuk ndryshon, me Teutën që siguron fitoren e dhjetë sezonale, duke ruajtur pozitat në krye të Superligës. Petterson me 17 pikë ishte shënuesi më i mirë për durrsakët. Për Apoloninë s’mjaftuan 21 pikët e Jenkins.
BESËLIDHJA-VLLAZNIA
Asnjë problem për skuadrën lezhjane në sfidën kundër shkodranëve të vendit të fundit. Diferencat në
kualitete mes dy ekipeve ishin të mëdha në “Asllan Rusi”, me Besëlidhjen që fitoi me rezultatin treshifror 106-75 (27-13, 26-24, 29-21, 24-17). Një takim i dominuar nga fillimi e deri në fund nga të besuarit e Afrim Bilalit, ndërsa kuqeblutë provuan të jepnin
disa shkëndija vetëm në periodën e dytë. Robinson me 26 pikë, 6 ribaunde dhe 4 asiste, edhe një herë tjetër rezultoi lojtari me rendimentin më të lartë te Besëlidhja, që ruan vendin e dytë në klasifikim. Ndërkohë, te Vllaznia nuk mjaftoi forma e mirë e Cooper,
autor i 28 pikëve, ndërsa shkodranët vazhdojnë rënien e lirë drejt zbritjes një kategori më poshtë
TIRANA-KAMZA
Derbi i kryeqytetit mes bardhebluve dhe kamzalinjve shkoi në favor të këtyre të fundit, të cilët triumfuan në sallën “Farie Hoti” me rezultatin 7679 (25-25, 12-18, 26-18, 13-18). Siç pritej, sfida rezultoi me rivalitet të lartë, me përmbysje dhe ripërmbysje. Pas një periode të parë të barabartë, Kamza ishte më mirë në çerekun e dytë. 10-minutëshi i tretë foli për Tiranën, që arriti të rikuperonte dhe të shkonte në pushimin pas 30 minutave me 2 pikë epërsi. Megjithatë, skuadra e Eni Llazanit u tregua më saktë në periodën e fundit, duke e bërë pikërisht aty diferencën, edhe pse në këtë 10-minutësh u vunë re shumë gabime në sulm nga të dyja kampet. Për sa u përket paraqitjeve individuale, Thomas me 32 pikë e 10 ribaunde ishte më i mirë në suksesin e Kamzës. Ndërsa për skuadrën e Erkand Karajit nuk mjaftoi dyshja Hamati-hysenagolli, me të parin që regjistroi 30 pikë e 13 ribaunde, ndërsa i dyti 17 pikë dhe plot 24 ribaunde.
R.GJINI/A. DUSHKU/N.GOCI