Dominim bardheblu, Tirana leksion Partizanit në derbi
Kategoria e Parë e basketbollit të femrave ka kompletuar sfidat e javës së 11-të, një javë ku vëmendjen më të madhe e tërhoqi derbi i kryeqytetit ndërmjet Partizanit dhe Tiranës, i zhvilluar të shtunën në pallatin e sportit “Asllan Rusi”. Ndonëse pritej një përballje me rivalitet, nuk ndodhi aspak kështu, pasi vajzat bardheblu të trajneres Mirza Alibegaj komanduan në parket që nga fillimi e deri në fund, për ta fituar derbin me rezultatin e thellë 49-81. Një Tiranë që bëri një ndeshje të shkëlqyer në të dyja fazat, si në mbrojtje gjithashtu edhe në sulm, ndërsa Partizani u pa në vështirësi gjatë të gjithë kohës. Pas dy koshave të parë për të kuqet, më tej perioda e parë vijoi me dominimin e bardhebluve, ndonëse efikasiteti në sulm ishte i ulët. Kështu, Tirana e fiton 10-minutëshin 9-14, për ta rritur ndjeshëm ritmin në periodën e dytë, të cilën e fitoi 15-26, duke kryesuar 24-40 pas gjysmës së ndeshjes. Edhe çereku i tretë shënohet nga superioriteti i vajzave bardheblu, të cilat gradualisht e thellojnë avantazhin, teksa e fitojnë periodën 11-22, për të kryesuar 35-62 pas 30 minutash. Diferenca e madhe e pikëve bën që perioda e katërt të jetë një formalitet, por Tirana nuk e ka aspak ndërmend të lëshojë terren, teksa e fiton edhe këtë 10-minutësh 14-19, duke e vulosur të gjithë ndeshjen me +32 pikë. Në fund në parket ka vend për festën e vajzave bardheblu, të cilat i gëzohen suksesit të merituar në derbi. Për sa u përket paraqitjeve individuale, lojtarja e ndeshjes ishte Aida Palko, e cila edhe një herë tjetër bëri një ndeshje të shkëlqyer kundër ish-skuadrës së saj, duke udhëhequr Tiranën me dopietë dyshifrore (12 pikë +16 ribaunde). Dopietë dyshifrore shënoi edhe amerikania Breana Bey, autore e 16 pikëve dhe 11 ribaundeve, ndërsa spikati edhe Klea Verri me 18 pikë. Te Partizani rendimentin më të lartë e kishin Jomyra Mathis me 13 pikë e 6 ribaunde si dhe kapitenia Ornela Lalaj me 11 pikë dhe po kaq ribaunde.
– Flamurtari bëri detyrën në transfertën shkodrane duke mundur Vllazninë lehtësisht me rezultatin 34-70 (4-16, 9-20, 814, 13-20). Një takim pa shumë histori, pasi kualiteti më i lartë i skuadrës vlonjate bëri diferencën përballë vajzave të reja kuqeblu. Ikete me 18 pikë dhe Jacobsson me 17 ishin lojtaret më të mira për bregdetaret në këtë sfidë, me Flamurtarin që vijon të ruajë kryesimin me pikë të plota në kampionat. Për Vllazninë, si gjithnjë shkëlqeu Bernarda Rreshpja, e cila me 21 pikë ishte edhe shënuesja më e mirë e ndeshjes. Të premten Studenti kaloi pa shumë probleme Elbasanin në transfertë në shifrat 53-73 (11-25, 12-17, 1612, 14-19). Kryeqytetaset e drejtuara nga Florentina Mitku e udhëhoqën takimin gjatë të gjithë kohës, për të dalë me triumf nga pallati i sportit “Tomorri Sinani”.
NDESHJET E TJERA
17 SHKURT
ELBASANI – STUDENTI
18 SHKURT
VLLAZNIA – FLAMURTARI PARTIZANI – TIRANA SKUADRA JAVA E 11-TË
1.FLAMURTARI 2.TIRANA 3.PARTIZANI 4.VLLAZNIA 5.STUDENTI 6.ELBASANI 7.BARLETI
F H
9 8 6 4 4 1 1 0 1 4 5 6 9 8
PIKË
18 17 16 13 14 11 10
53-73 34-70 49-81 KOSH
709-481 859-512 790-648 577-551 671-641 492-801 434-898 (9-14, 15-26, 11-22, 14-19)
Mathis (13), Lalaj (11), Jaçe, Coleman (12), Brych (1)/ Velias, Lugaj (3), Fekollari (3), G.bujari (2), Haris (2).
Trajnere: Eliverta Bujari Palko (12), Dishnica (5), Joziç (1), Verri (18), Qosja (14)/ Bey (16), Baraj (15), Mala. Trajnere: Mirza Alibegaj E.koçi, E.gjoni Pjerin Bushati (4-16, 9-20, 8-14, 13-20)
Dashja (6), Mustafa, Hykaj (5), Rreshpja (21), Kryeziu. Trajner: Bledar Gjeçaj
Myrto (4), Memushi (2), Jcobsson (17), Ikete (18), Omerbasiç (8)/ Benally (6), Marshall (4). Trajnere: Elona Hasanaj
R.ruçaj, S.gjoni (11-25, 12-17, 16-12, 14-19)
Zenuni (16), Ahmetaj (6), Shabani (8), Sali (13), Hasa (8)/ Zyba, Korumi (2).
Trajnere: Elvira Xhyra Shima (13), Toska (15), Shallo (8), Ahmataj (10), Pëllumbi (16)/ Mollaj (8), Selami (3). Trajnere: Florentina Mitku A.dullce, A.balliu Arben Kasmi