Ndeshja e yjeve në NBA, triumfon skuadra e Janis
Jayson Tatum regjistron rekord, shpallet MVP me 55 pikë
Ndeshja “All Star” në NBA këtë herë dhuroi një skenar atipik, me dy kapitenët që përfunduan KO të dëmtuar. Janis Antetokounmpo ngriti flamurin e bardhë pas vetëm një minute, ndërsa “King” Xhejms u dorëzua pas pjesës së parë pas një problemi në dorë. Por si zakonisht mbrëmja e yjeve dhuroi spektakël në parket, ndërsa fituese u shpall skuadra e grekut Janis, e cila triumfoi me rezultatin 184-175. Ndërkohë, vlerësimi MVP shkoi për Jayson Tatum (Boston), i cili arriti një rekord duke shënuar 55 pikë. Kështu, pas pesë vitesh, ekipi i Lebron është mposhtur, me “Mbretin” që regjistroi ndeshjen e 19-të “All Star”, këtë herë me petkun e pikëshënuesit më të mirë të historisë në NBA. Ndeshja në “Salt Lake City” rezultoi atipike, teksa Antetokounmpo shënoi dy pikët e para, për t’u akomoduar më pas ulet në stol për shkak të një dëmtimi të mëparshëm në kyçin e dorës, ndërsa gjithashtu edhe Xhejms lëndoi dorën në fund të pjesës së parë, për ta mbyllur para kohe supersfidën. Ekipi i drejtuar nga Janis shkëputet në periodën e
dytë 99-92, për të shpërthyer më pas në fraksionin e tretë duke arritur në lojtari më i mirë në “All Star Game” që ishte Jayson Tatum, i cili bëri një paraqitje fantastike. 55 pikë për yllin e “Celtics”, i cili hipotekoi titullin MVP të sfidës dhe një rekord absolut,
duke kaluar 50 pikët e Anthony Davis. Vlen gjithashtu të përmenden 40 pikët e Donovan Mitchell dhe 26 të Damian Lillard, i cili tregoi të gjithë repertorin e tij në finalizimet për tri pikë, duke fituar garën e tri pikëve. Lebron largohet kështu i mposhtur nga “All Star Game” pas pesë vitesh ecuri pa humbje, në sfidën e tij të 19-të të yjeve (rekord), duke e mbyllur me 13 pikë. Më i miri nga “Team Lebron” ishte Jaylen Brown, me 35 pikë dhe 14 kërcime, ndjekur nga Irving (32 pikë) dhe Embiid (32 pikë), të cilët kaluan gjithashtu tridhjetë pikët. Ndërsa zhgënjimet e mëdha të kësaj ndeshjeje ishin Luka Donçiç dhe Nikola Jokiç, të dy pjesë e ekipit të Lebron: yjet nga Dallas dhe Denver ndalen në katër pikë. Për ta një rol jashtëzakonisht anonim në “All Star Game”.