Nagelsmani i sulmoi, shefi i arbitrimit i tregon vendin
Frohlish: Mos e përdorni hapësirën publike për t’u shfajësuar
Triumfi dhe spektak li mund të konsid erohen më të drejtë si fraza e historisë së Bajernit në çdo kompeticion ku ata kanë shkelur, por nëse i referohemi gjendjes aktuale, ajo mund të marrë nuanca të vyshkura. Në 6 takimet e zhvilluara gjatë vitit 2023 në kuadrin e Bundesligës, rekordmenët nga Mynihu regjistrojnë vetëm 2 fitore, 3 barazime dhe 1 humbje. Së fundmi, Federata Gjermane e Futbollit ka menduar t’ia vështirësojë akoma më tepër detyrën Nagelsmanit ose më saktë ky i fundit nuk po gjen dot qetësinë e nevojshme. “Besoj se po bëni shaka me mua apo çfarë”, ishin frazat që do të nxisnin xixat e para, çka do të sillte nisjen e hetimeve ndaj trajnerit 35-vjeçar. Ndërhyra e Upamekanos në minutën e 8-të ndaj Pleas nuk do të kishte asnjë diskutim tek arbitri Tobias Velz. Ndonëse përfundimi i takimit do të sinjalizonte edhe humbjen, e kthyen Julianin në një “bishë” në komunikim, aq sa të pohonte atë fjalor ndaj ekipit të arbitrave në dhomat e zhveshjes. Shefi i arbitrimit në ligën vendëse nuk ka nguruar të analizojë të gjithë skenarin, madje t’i japë edhe “leksion” sjelljeje trajnerit të kampionëve në fuqi të Bundesligës: “Përdorimi i termit ‘paketë’ nga ana e teknikut të Bajernit tregon mungesë respekti. I them Nagelsmanit të marrë frymë thellë përpara se të flasë, pasi fjalë të nxituara mund të sjellin pasoja. Hapësira publike është vendi më i gabuar për të paraqitur veten dhe qëndrimet, ndaj jeni më të kujdesshëm. Këndvështrimi mbetet në kornizën tuaj, megjithatë nuk do të thotë se ai është i pakundërshtueshëm”, ishin fjalët e shefit të gjykimit në Gjermani, Lutz Mikael Frohlish në “Sport 1”. Julian u përpoq të ndreqte gabimin e shkaktuar me postimin në rrjetin social “Twitter”, ndonëse nuk dha rezultate në evitimin e ndëshkimit, i cili është ende në shqyrtim. Vlen të theksohet se drejtuesit e bavarezëve, me në krye trajnerin e tyre, i kanë kthyer në “zakon” justifikimet ndaj vendimeve të arbitrave, e ku sipas tyre ato janë të njëanshme dhe në dëm të gjigantëve nga Mynihu. Tashmë topi i kalon organeve përkatëse për të dalë me një vendim zyrtar, i përkthyer me masën ndëshkimore ndaj ish-trajnerit të Lajpcigut, pa anashkaluar edhe betejën e fundjavës aktuale, e cila do t’i vendosë në test kreu me Unionin ndjekës, çka do të thotë se ndihma e 35-vjeçarit është më jetike se kurrë në këtë periudhë.