Prestige s'ndalet, 12 fitore radhazi në Sunday League
FUTBOLL/ Ecuri fantastike në Grupin A
Prestige po zhvillon një sezon të jashtëzakonshëm në Sunday League, duke koleksionuar fitore të njëpasnjëshme në Grupin A, aty ku kryeson me pikë të plota. Mbrëmjen e djeshme skuadra që drejtohet nga Eldiano Topi ka regjistruar suksesin e 12-të në po kaq takime të zhvilluara në kampionat, teksa ka likuiduar me rezultatin 3-0 ekipin Antigonean. Tre gola të ardhur në pjesën e dytë, që patën për protagonistë Bibën, Klejdi Branicën dhe Ademin.
- Ndonëse triumfi i Prestige ishte i padiskutueshëm
NDESHJA
GOLAT: PRESTIGE:
me diferencën e tret golave, përballja e zhvilluar mbrëmjen e djeshme në fushën "Skënder Halili" ishte interesante. Antigonean provoi të rezistonte, duke u vendosur mirë në mbrojtje, për t'u bërë ballë sulmeve të Prestige gjatë të
gjithë pjesës së parë. Por ekuilibrat do të prisheshin 7 minuta pas startit të fraksionit të dytë të lojës. Biba pas një aksioni të gjatë lëshon një të majtë potente nga jashtë zone, duke e ndalur topin në rrjetë për të kaluar Prestige në avantazh. Pak çaste më vonë, rrezikon sërish Biba, teksa goditja e tij për pak shndërrohet në autogol nga një prej mbrojtësve të Antigonean. Këta të fundit provojnë të shtyjnë përpara, ku pas një skeme interesante në një goditje standarde, gjuajtja e
Shuaipit shkon jashtë. Prestige kërkon t'i mbyllë llogaritë dhe sulmon për golin e qetësisë, të cilin e gjen në minutën e 55-të. Shima, i aktivizuar në pjesën e dytë, harkon bukur për Klejdi Branicën, me këtë të fundit që finalizon në mënyrë të sh
këlqyer me kokë, për ta "ngulur" sferën në rrjetë. Dy minuta më vonë vjen edhe goli i tretë. Gjithçka nis nga një inkursion i bukur i Gjikolës në të majtë, ndërsa Ademi finalizon saktë brenda zonës duke vulosur triumfin 3-0 për Prestige.