Skënderbeu super, leksion mbarëkombëtar Partizanit
Trajneri Karslioglu ‘rrëshqet’ në debutim, të kuqet KO në shtëpi
Liga Gjergj Kastrioti, eveniment i për bashkët për klube në volejboll mes Shqipërisë dhe Kosovës, ka zhvilluar dje gjysmëfinalen e dytë të vajtjes në radhët e femrave. Skënderbeu ka realizuar një provë force në kryeqytet, duke fituar kundër Partizanit me rezultatin e pastër 0-3 në sallën “Feti Borova”. Korçaret, të cilat janë edhe fitueset në fuqi të këtij kompeticioni, u shfaqën dominuese në parket, duke hedhur një hap të rëndësishëm drejt kualifikimit për në finale. Nga ana tjetër, Partizani, në këtë takim paraqitej me trajnerin turk Bulent Karslioglu në pankinë, i cili ka marrë zyrtarisht vendin e të larguarit në mënyrë të papritur, të turkut tjetër Hakki Ertan Albayrak. Një debutim “flop” për Karslioglun në krye të të kuqeve, të cilat tashmë do të kërkojnë t’i përmbysin shifrat në shtëpinë e rivaleve. Për sa i përket ndeshjes, që në fillim vajzat e drejtuara nga
Orlando Koja, krijuan epërsi në pikë. Në shifrat 17-22 për miket, një dëmtim i rrjetës bëri që takimi të ndalej për gati 40 minuta. Me rifillimin e lojës, korçaret më pas e fituan setin e parë 20-25. Edhe seti i dytë ishte shumë i ngjashëm me atë paraardhës, me ekipin mik që
FOTO: F. HAZISLLARI
luajti më mirë dhe fitoi në shifrat të njëjta, sërish 20-25. Partizani ishte në një ditë “jo” dhe e kishte shumë të vështirë të reagonte, ndërsa Skënderbeu kompletoi punën në setin e tretë, të cilin e fitoi 18-25, duke e vulosur kështu në shifrat 0-3 raundin e parë
gjysmëfinal. Më 25 shkurt në orën 17:00 në pallatin e sportit “Tamara Nikolla” në Korçë do të jetë radha për gjysmëfinalen e kthimit. Për sa i përket gjysmëfinales tjetër, Skënderaj ka fituar 1-3 derbin kosovar kundër Fer Volejt, takim i luajtur më 18 shkurt.