Finalja ndaj Unionit, arbitri “ndihmon” Bajernin
Nagelsman rrezikon betejën e kreut në pankinë
Borusia Myshenglad bah-bajern Mynih do të pushtonte vëmendjen jo vetëm të mediave vendëse, por edhe atyre të kontinentit të vjetër, aty ku çështja e reagimeve të Nagelsmanit morën doza më të rëndësishme sesa rezultati final. 35vjeçari do të tregohej i “pamëshirshëm” me frazat ndaj ekipit të arbitrave në dhomat e zhveshjes pas sinjalizimit të disfatës në “Borussia Park”, aq sa mediat t’i bënin jehonë fjalorit të përdorur nga Juliani. “Kjo është shaka besoj apo po talleni me mua”, ishin fjalët e Nagelsmanit. Edhe pse trajneri i kampionëve në fuqi të Bundesligës do të kërkonte ndjesë në rrjetin social “Twitter”, ajo nuk do të ndikonte në mbylljen e çështjes, pasi federata vendëse është duke e shqyrtuar si rast penaliteti. Reagimi i shefit të arbitrimit në Gjermani do t’i rriste më tepër dozat e tensionit, duke e trajtuar “agresorin” e këtij akti me nota ironike: “Juliani mund të tregohej më i pjekur në opinionin e shprhur, pasi është vetëm qëndrimi i tij dhe nuk do të thotë se mbetet i pakundërshtueshëm. Do të ishte më mirë nëse këto diskutime do t’i bënte jashtë sferës publike dhe këtë hapësirë ta shfrytëzonte për elemente më pozitive. Justifikimet nuk shërbejë për asgjë, kështu që kjo skemë nuk ka vlerë, aq më pak kur flasim rreth profesionalizmit”, pohonte Lutz Mikael Frohlish. U duk se fjalët e shefit të arbitrimit do t’i linin vendin verdiktit final, nëse ishtekniku i Lajpcigut do të dënohej nga organet përkatëse. Zhvillimet e fundit mund t’i japin tjetër drejtim amullisë së shkaktuar. Konkretisht Frank Villenborg do të mbante pozitën e arbitrit të 4-t në duelin e “Borussia Prak” dhe do të pasqyronte versionin e tij: “Nagelsmani nuk e kishte tonin e lartë në reagimet karshi arbitrave, por u shfaq ndaj situatës dhe trysnisë nga ana e mediave. Asnjë ofendim nuk
u adresua në mënyrë të drejtpërdrejtë apo indirekt ndaj nesh. U habita kur dëgjova njoftimet në shtyp se ai kishte përdorur fjalor të tillë”, pohonte me nota të larta bindëse 44vjeçari për “Neue Osnabrücker Zeitung”. Mbetet të vëzhgohet me interes se sa efekt do të ketë deklarata e një personi të brendshëm rreth kësaj ngjarjeje mbi prezencën e Nagelsit në drejtim të Bajernit gjatë duelit të kreut ndaj Unionit këtë të dielën në “Allianz Arena”.