Prestige marshon drejt kreut, fitore me peshë kundër KF Ernikut
Prestige MFC ka regjistruar dje një fitore shumë të rëndësishme në kampionatin "5x5" që organizon Federata Shqiptare e Futbollit. Skuadra e trajnerit Eldiano Topi ka mundur me rezultatin 43 ekipin KF Erniku, kryesuesin momental të Grupit F, edhe pse duhet theksuar se këta të fundit regjistrojnë dy ndeshje më shumë të zhvilluara në raport me Prestige. Ashtu sikurse pritej, sfida e luajtur te kompleksi i kalçetove tek Akuadromi rezultoi shumë e fortë dhe e luftuar që prej minutës së parë e deri në fund, por Prestige u tregua më i saktë se kundërshtari duke dalë me 3 pikë nga kjo përballje. Hysenbelliu, Ademi, Aldo Branica dhe Nuza ishin protagonistët e golave të Prestige, ndërsa për Ernikun rrugën e rrjetës e gjetën Kuzari, Mici dhe Suli.
- Takimi startoi menjëherë vrullshëm, me të dyja ekipet që luftonin fort për çdo top. Pas 3 minutave, Erniku gjeti avantazhin falë një zbritjeje të shpejtë, me Kuzarin që finalizoi
NDESHJA
saktë. Por Prestige reagoi menjëherë dhe në të 6-ën riktheu baraspeshën me Hysenbelliun, i cili vertikalizoi bukur për Limanin, me këtë të fundit që bëri një finte mashtruese, duke nxjerrë jashtë loje portierin me topin që u ndal në rrjetë pa e prekur askush. Hysenbelliu ndërtoi edhe golin e dytë, teksa "peshkoi" në mënyrë të shkëlqyer në shtyllën e dytë Ademin, me këtë të fundit që e mbylli më së miri aksionin duke kaluar në avantazh 2-1 skuadrën Prestige në të 17-ën. Pas një asisti të Nuzës, Aldo Branica realizoi golin e tretë për Prestige në të 19-ën, por në sekondat e fundit të pjesës së parë Erniku ngushtoi në 3-2 me Micin. Prestige i riktheu qetësinë në të 37-ën, me një gol të Nuzës, i cili kontrolloi bukur topin pas një asisti të Hysenbelliut, për të shkarkuar një të majtë të dhunshme duke shkundur rrjetën për herë të katërt. Megjithatë, Erniku nuk u dorëzua dhe vetëm dy minuta
më vonë ngushtoi në 4-3, me Sulin që finalizoi mjaft mirë një aksion të rrjedhshëm. Ndeshja mori rrjedhë interesante, teksa Erniku kërkoi me ngulm barazimin dhe iu afrua ndjeshëm në 2-3 momente, duke u ndalur madje një herë nga shtylla dhe një herë nga traversa. Edhe Prestige provoi me dalje të shpejta në sulm, por rezultati nuk ndryshoi më dhe gjithçka u mbyll 4-3 për Prestige. Me nëntë fitore dhe një barazim në dhjetë ndeshje të zhvilluara, Prestige ngjitet në kuotën e 28 pikëve dhe tashmë duket se ecën i sigurt drejt vendit të parë.